ရင်ဝမှာ ဒဏ်ရာတန်းလန်းနဲ့ ညများ

* ရင်ဝမှာ. . .ဒဏ်ရာတန်းလန်းနဲ့ ည *

ကြယ်တွေ လတွေ ဝေဆာနေတဲ့. . .
သူတို့တွေရဲ့ ညများ. . . .
ငါနဲ့ ငါ့ညလေးတွေက အားကျလိုက်ပါတယ်
ညဟာ . . .ည မပီသလွန်းလို့. . .


လူမမည်သေးတဲ့ လူအတွက်. . .
ညမမည်သော ညတွေကပဲ. . .
တုတ်ဆွဲဓါးဆွဲ ထိုးခွဲဝင်ရောက်. . .
ကံဆိုးမိုးမှောင်တွေ ခုတ်ထစ်ကျွေးဖို့တဲ့...
ကွယ်. . .
ငါကမှ  မစားချင်တာ. . .


ဆူးချွန်တွေနဲ့ ဖိအုပ်တတ်သော ညတွေထဲ
အတောင်ပံမရှိပဲ ပျံသန်းရတာ. . .
မောလိုက်တာကွယ်. . .
ငါ့သတ္တိတွေလည်း  အတုံးအရုံး. . .


ငါ့ညတွေရဲ့ မှောင်မိုက်ခြင်းထဲကနေ
ကွက်တိကွက်ကြား လောကဓံဆိုးတွေသာ
ဓါးမိုး ရွာသလို ခုန်ဆင်းလာတတ်. . .
ငါ့ရင်ဝမှာလည်း. . .ဒဏ်ရာတန်းလန်းတွေနဲ့  . . . .


ရယ်မောရခြင်း မရှိ
ပျော်ရွှင်ရခြင်း နတ္ထိနဲ့ .   .
တိတိရိရိ အကွင်းလိုက်အကွင်းလိုက်
လှီးဖဲ့ခံရရင်းနဲ့ပဲ. . . .
ငါနဲ့ ငါ့ညတို့ ပါးလျ. . . .
မြေမြှုပ်သင်္ဂြိုလ်စရာတောင် မကျန်ဘူးထင်ရဲ့. . . .


မိစ္ဆာဆန်တဲ့ ညတွေထဲ . . .
လူးလွန်းကြီးထွား. . . .
ကဝေဆန်ဆန် ပြုံးတတ်ခြင်းတစ်ခုသာ
အင်းလေ. . . .
ငါ့အတွက်  အမြတ်ပေါ့. . .  .



26 / 1 / 2014 / sunday /15 : 55 pm
မရမ်းကုန်း