သရေခေတ္တရာ ပျူမြို့ဟောင်းနဲ့ အားလပ်ရက်

- May 06, 2015

၂၀၁၅ ၊ မေလ ၁ ရက်နေ့ ၊
ဒါဟာ ... အလုပ်သမားနေ့လေ။
အလုပ်သမားတယောက်အနေနဲ့ ရုံးပိတ်ရက်ပဲ ... အားလပ်တာပေါ့။
အားလပ်ရက်ကိုမှ .... လေ့လာရေးအဖြစ် အသုံးချပြီး အသုံးကျစေမယ့် ခရီးတိုတခု ထွက်ခဲ့တယ်ဆိုပါတော့ ... ။
ရန်ကုန်ကနေ ဧပြီလ ၃၀ ရက်နေ့ည ၁၀ နာရီကားနဲ့ ပြည်မြို့ကို ထွက်ခွါခဲ့ပါတယ်။
ကျနော်စီးလာတဲ့ ဘုန်းမြတ်ပိုင် အဝေးပြေးယာဉ်ဟာ ပြည်မြို့ကိုရောက်တော့ မေလ ၁ ရက်နေ့ မနက်အစောကြီး ၄ နာရီ။
ငါးနာရီထိုးတဲ့အထိ မြို့ထဲက အဝေးပြေး ကားဝင်းအနီးမှာ ရှိတဲ့ လက်ဖက်ရည်ဆိုင်မှာ ထိုင်နေလိုက်တယ်။
အဲဒီနောက် ... အဝေးပြေးယာဉ်ရပ်နားစခန်းရှေ့ကနေ ပြည်မြို့ရဲ့ အထင်ကရဖြစ်တဲ့ ရွှေဆံတော်စေတီဘက်ကို
လိုင်းကား ၂၀၀ တန်လေး စီးပြီး ထွက်လာခဲ့ပါတယ်။
.ရွှေဆံတော်စေတီ ရင်ပြင်ပေါ်တက်ပြီး အဲဒီရင်ပြင်အနီးမှာရှိတဲ့ သန့်စင်ခန်း(ရေချိုးခန်း)မှာ မျက်နှာသစ် ၊ ကိုယ်လက် သန့်စင်ပြီး..
ဘုရားဝတ်ပြုဖို့ ရင်ပြင်ပေါ် ပတ်လျှောက်လာခဲ့ပါတယ်။
ဘုရား ဝတ်ပြုပြီး ရင်ပြင်တဝိုက်မှာ ဟိုဟိုသည်သည် ပတ်ကြည့်နေမိတော့...
.မြင်ရသမျှက မနက်ခင်းလင်းရောင်နုနုအောက်မှာ ကြည်လင်တောက်ပပြီး ဘဝင်ကျဖွယ်ရာ ရှုမျှော်ခင်းပါပဲ။
ဟို....ဝေးဝေးမှာ ဧရာဝတီမြစ်ကြီးကို လှမ်းမြင်ရပြီး...အဲဒီ ဟိုဘက်မှာတော့ တောင်တန်ကြီးတွေ...
ဒီဘက်ကို လည်ပြန် ပြန်ကြည့်တော့ ဆယ်ထပ်ကြီးဘုရားလို့ ခေါ်ကြတဲ့ ထိုင်တော်မူရုပ်ပွါးတော်ကြီးက ထီးထီးမားမား...
ပတ်ကာ ကွေ့ကာနဲ့ လျှောက်ကြည့်နေရင်းက... ရင်ပြင်ပေါ်မှာ အမျိုးသမီးတစုကို သတိပြုမိပါတယ်။
.ကြည့်စမ်း မထင်မှတ်ပဲ... လာဆုံတယ်.. ။
အဲဒီ အမျိုးသမီး အုပ်စုထဲက တယောက်က ကျနော်တို့ရဲ့ ဂဇက်ရွာသူပေါ့... ။
(အဲဒါ ... ဘယ်သူလဲ... သိတဲ့သူတွေ သိနေပြီ ဟုတ် ? )

နှုတ်ဆက်စကားဆိုပြီး လူစုခွဲ...ကိုယ့်လမ်းကိုယ် ဆက်သွားလိုက်တယ် ။
ကျနော်နဲ့အတူ ကျနော့်သူငယ်ချင်းတယောက်လည်း ပါလာတယ်။
ဘုရားပေါ်က ဆင်းပြီး ဧရာဝတီ တဖက်ကမ်းဆီက ရွှေဘုံသာမုနိစေတီကို သွားဖို့ ဆိုင်ကယ် ကယ်ရီ ငှားလိုက်ရတယ်။
လိုင်းကားက ရှားတယ်လေ။
.ရွှေဆံတော်ကနေ ရွှေဘုံသာ ...အဲဒီက ပြန်လာပြီး မှော်ဇာလို့ ခေါ်တဲ့ သရေခေတ္တရာ မြို့ဟောင်းတည်ရှိရာ နေရာဆီ သွားမယ်...
အဲဒီက အပြန် ပြည်မြို့ထဲ ပြန်ပို့ပေးပါဆိုပြီး ငှားတာ... ။
ကျနော်တို့ နှစ်ယောက် ဆိုင်ကယ်တစီးနဲ့ အသွားရော အပြန်ပါ...
၁၂၀၀၀ ကျပ်နဲ့ ဈေးတည့်တယ်။ အင်း... ဒါ ...မဆိုးပါဘူး ... ။
-----------------------------------------
.မှော်ဇာဘက်အသွားမှာ ကျနော်... ရင်ခုန်ပါတယ်။
“ကမ္ဘာ့အမွေအနှစ် စာရင်းဝင် သရေခေတ္တရာ ပျူမြို့ဟောင်း” ဆိုတဲ့ ဖြစ်တည်မှုက ကျနော့်အတွေးတွေကို အတော်လွှမ်းမိုးနိုင်ပါတယ်။
.အေဒီ ၆ -၇ ဆိုတဲ့ လွန်ခဲ့တဲ့ နှစ်ပေါင်းများစွာက...အဆောက်အဦနေရာတွေ အထိမ်းအမှတ်အရာတွေကို မျက်မြင်ကိုယ်တွေ့ ထိ/သိရတော့မှာလေ...
အဲဒါ တော်တော် ရင်ခုန်စရာကောင်းတယ်။
ကဲ... ကြည့်စမ်းပါဦး ။ ကျနော် ရှေးဟောင်းမြေတခုပေါ် (သို့မဟုတ်)ကမ္ဘာအမွေအနှစ်ဆိုတဲ့ မြေပေါ် ခြေချမိပြီ။
------------------------------------------
ကျနော်တို့ ရောက်သွားချိန်က မနက် ၈ နာရီ ကျော်ရုံလေး... ။
ဒီအချိန် ပြတိုက်က မဖွင့်သေးဘူးလေ...ဆိုပြီး ... မြို့ဟောင်းနယ်မြေကြီးကို အရင် ပတ်ကြည့်ဖို့ ဆုံးဖြတ်တော့ ...
ဆိုင်ကယ် ကယ်ရီသမားက ရှေးဟောင်းနယ်မြေရဲ့ အထင်ကရ နေရာတွေကို လိုက်ပို့ပါတယ်။
သင်သာ သွားမယ်ဆိုရင် ဘယ်နေရာမဆို မြင်နေရမှာက ... အုတ်ခဲနီနီ အကျိုးအပျက် ပြိုလုလု အဆောက်အဦတွေပါ ။
ဒါလေးများ ဘာဆန်းလို့လဲလို့ မေးရင် ဖြေစရာ ရှိတာက....
ဒါဟာ သာမန်အရာတွေမဟုတ်ဘူး...
လွန်ခဲ့သောနှစ် ထောင်ပေါင်းများစွာက အရာတွေ...
ဒီအရာတွေမှာ အတိတ်ရှိတယ်...
အဲဒီအတိတ်ထဲမှာ ခန်းနားကြီးကျယ်တဲ့ ဖြစ်ရပ်တွေတပုံကြီး ရှိတယ်။
.မြင်လိုက်ရတာနဲ့ သာမန်မဟုတ်တဲ့ ခံစားချက်နဲ့ လူဟာ အထွေထွေအပြားပြား ဖြစ်သွားစေတယ်။
ကျနော် အဲဒီ အုတ်နီခဲကျိုးကလေးတွေကအစ ကိုင်ကြည့်ပြီး....ဗိဿနိုးဘုရင်မကြီးရဲ့ သမိုင်း ရာဇဝင်ကို ဖတ်ဖူးသမျှ ပုံဖော် မြင်ယောင်ကြည့်မိတယ်။
အသံတွေ...အရုပ်တွေ.... ဖြစ်ပျက်ပုံတွေဟာ...ကျနော့်ကို ဝဲလှည့်ပြီး... ဖြစ်ပျက်ပြနေသလိုပဲ....
.နေပါဦး... ။ ဒါတော့ သိပ်ကို ခံစားချက် ပြင်းရှလွန်းနေပြီ။ အမှန်ဆို ဒီလောက် မခံစားလည်း ဖြစ်တယ်။
ဒီနေရာဟာ နီကျင်ကျင်မြေသား အစိုင်အခဲတွေချည်းပဲ...
လူနေအိမ်ရယ်လို့ မြင်ရခဲပြီး မြင်ရသမျှက ရှေးဟောင်း အဆောက်အဦးပျက်တွေ ... ဟိုတစုဒီတစုသာ ရှိတဲ့မြေ....
.ဟော... ဟိုမှာ နိုင်ငံခြားသားတယောက်...
သူလည်း ဆိုင်ကယ်သမားတယောက်ကို ငှားပြီး ပတ်နေတာပဲ... ။
ကျနော် မြင်မြင်သမျှကို ကင်မရာလေးနဲ့ တဖျက်ဖျက် မှတ်တမ်းတင်နေမိတယ်။
ကျနော် ကြားနေတဲ့ အသံတွေနဲ့ မြင်နေတဲ့ အရိပ်အရောင်တွေကိုတော့ ကင်မရာက မှတ်တမ်း တင်မပေးနိုင်ဘူးပေါ့ ။
-----------------------------------------------
ဗိဿနိုးဘုရင်မကြီးရဲ့ ဂူသချို င်္င်းတို့ ... ဘောဘောကြီး စေတီတို့ ... ရဟန္တာဂူဘုရားတို့...စတဲ့ အမွေအနှစ် အဆောက်အဦတွေဆီ ...
သွားကြည့်အပြီးမှာတော့ ဆိုင်ကယ်ပေါ်ကနေ အဲဒီ နယ်မြေတလျှောက်ကို ပတ်ကြည့်နေလိုက်သေးတယ်။
ပတ်ရင်းပတ်ရင်းနဲ့ အဝင်ဝက ပြတိုက်ရှိရာကို ပြန်ရောက်သွားတော့... အော်...ပြတိုက် ဖွင့်လောက်ပြီပေါ့ ဆိုပြီး...
ဘာတွေများ ပြထားမလဲလို့ ဝင်လေ့လာချင်စိတ် ပြင်းပြတုန်းမှာပဲ...
.ပြတိုက်ထဲ ဝင်လာတဲ့ ကျနော်တို့ကို အပေါက်ဝကနေ ဆီး .ကြိုလိုက်တဲ့စကားက...
“ဒီနေ့ ပြတိုက် ပိတ်တယ်” တဲ့ ။
.သေစမ်းးးးး
“ဒီနေ့က အလုပ်သမားနေ့လေ ။ မနက်ဖြန်လည်း ကဆုန်လပြည့်နေ့မို့ ပြတိုက် ပိတ်ပါတယ် ”
-----------------------------------
ကျနော့် စိတ်ထဲ မကျေမနပ်ဖြစ်မိပါတယ်။
အမှန်ဆို ဒီလိုနေ့တွေဟာ အများပြည်သူ ရုံးပိတ်ရက်မို့ လည်ချင်ပတ်ချင်သူ ပို များမှာပဲ။
ရုံဖွင့်ရက်တွေမှာ မနက်ကနေ ညနေထိ ရုံးတက်နေရသူတွေဟာ ဒီလို ရုံးပိတ်ရက်မှာ မိသားစုနဲ့အတူ ဒီလိုနေရာတွေကို လည်ပတ်ချင်လိမ့်မယ်လို့ မထင်ဘူးလား။
အားလပ်ရက် (ရုံးးပိတ်ရက်) မှာမှ ဒီလို ပြတိုက်တွေကလည်း ပိတ်လည်းဆိုတော့...
အဲဒီ ရုံးပိတ်ရက် - အားလပ်ပါမှ လာလေ့လာလို့ရမယ့် ပြည်သူတွေကို ထည့်မတွက်တဲ့ သဘောပေါ့။
အဲဒီနောက် ကျနော့် မကျေနပ်ချက်ကို ပိုကြီးထွားစေတဲ့စကားတခွန်း... ကျနော် ငှားလာတဲ့ ဆိုင်ကယ်သမားက ပြောခဲ့ပါတယ်။
“ဟိုတခါ ကျနော်လိုက်ပို့တဲ့ နိုင်ငံခြားသားကိုတော့ ပြတိုက် ပိတ်ရက် ပိတ်ထားတာတောင်မှ ဖွင့်ပေးတယ်”တဲ့ ။
.ကြည့်စမ်း... ဒါဖြင့် ...နိုင်ငံခြားသားတွေကိုတော့ အချိန်မရွေး ဝင် ကြည့်ခွင့်ရဖို့ ချွင်းချက်ပေးထားတယ်ပေါ့ ။
ကျနော်တို့က ဒီနိုင်ငံသား... ။ နိုင်ငံခြားသားလိုများ ဘာလို့ ဒီလိုအခွင့်အရေး မရကြတာလဲ။
ကျနော်တို့ဟာ ဒီလို ပြတိုက်တွေထဲ နိုင်ငံခြားသားတွေလို ဝင်ကြည့်ချင်လိမ့်မယ်လို့ မထင်တာလား..
ဒါမှမဟုတ်... ဒါတွေ ဝင်ကြည့်ဖို့ (ပိတ်ထားရင်တောင် ဖွင့်ပေးဖို့ ) မထိုက်တန်တဲ့ သာမညောင်ညတွေလား... ။
ကျနော် ပြောချင်တာတွေ အရမ်းများသွားတယ်။ ပြောချင်တိုင်းသာ ပြောခွင့်ရမယ်ဆိုရင် ပါးစပ် ဆယ်ပေါက်လောက်နဲ့ ပြောလိုက်ချင်တယ်။
အခုတော့... အိမ်ထဲဝင်ဖို့ ဘယ်သူကမှ မဖိတ်ခေါ်ချင်တဲ့ ပေပေတူးတူးကလေးသူငယ်တယောက်လို ခံစားချက်မျိုးနဲ့...
ပြန်လှည့်လာခဲ့ရတယ်.. ။
မကြာခင်...အဲဒီနေရာကို ..နောက်တခေါက် ပြန်သွားဦးမယ်လို့တော့ မဲ့ပြုံးတချက်နဲ့ ဆုံးဖြတ်လိုက်တယ်။
.တွေ့ကြသေးတာပေါ့... သရေခေတ္တရာ ပျူနိုင်ငံရာ....
------------------------
မောင်သူရ @ Alinsett
၂၀၁၅ ၊ မေလ ၊ ၁ ရက်