ကျွန်တော် နှင့်…. အချစ် / အလွမ်း ….

ဒီဘဝ မှာ ဖြင့် အချစ်ဆိုတာကို
မတွေ့ ရတော့ဘူး ထင်ထားသမျှ လွဲချော်တိမ်းစောင်းပြီး သူမ နှင့် ဆုံဖြစ်ခဲ့ပါသည် ။
အဆုံးသတ် လှမယ် မလှဘူးသေချာ မသိနိုင်သေးသော်လည်း သူမနှင့် ယခုလို တွေ့ ဆုံ တွယ်တာ ခဲ့ရရုံ အဖြစ်ကလေးကိုပဲ ကျွန်တော် ကျေနပ်လိုက်ပါသည် ။
အချစ်သည် ကျွန်တော့်အတွက်တော့ ကြယ်ရောင်မှုန်မှုန်ဖြင့်
လင်းသလိုလို ရှိသော
သာမန် ညတစ်ည သာဖြစ်ပါသည် ။
=========
ကျွန်တော့်မှာ လျှောက်ရမည့်လမ်းတွေရော
ခင်းကျင်းပေးခဲ့ရမည့် လမ်းတွေရော အများကြီးရှိနေပါသည် ။
လမ်းတွေ ပေါ်မှာ . . . . . .
လျှောက်လိ်ုက်ခင်းလိုက်ဖြင့် မအားလပ်နိုင်အောင် ဖြစ်နေသော
ကျွန်တော့်လို ယောကျာ်းတစ်ယောက်အတွက်
အချစ်ဆိုတာ ဖြစ်လာရန်ခက်ခဲသော နတ်သမီးအိပ်မက်တစ်ခုသာ ဖြစ်သည်ဟု ကျွန်တော် ထင်မှတ်ခဲ့ဖူးသည် ။
ဒါပေမယ့် အဲသည် မအားလပ်အောင် ရှုပ်ပွနေသည့်အလုပ်တွေထဲမှာ အင်တာနက် အွန်လိုင်းပေါ်မှ နေ၍ ပြုလုပ်နေရသော အလုပ်တွေ ပါဝင်နေခြင်းက သူမနှင့်ကျွန်တော် ဆုံတွေ့ ဖြစ် စေခဲ့တာဖြစ်သည် ။
သူမ က ကျွန်တော် ရေးသော အင်တာနက်ပေါ်မှ စာများ ကဗျာများကို ဖတ်မိခဲ့သူ ။
ကျွန်တော့် Mail လိပ်စာနှင့် ကျွန်တော့် ဓါတ်ပုံများကလည်း အင်တာနက်ပေါ်မှာ အလွယ်တကူရှာဖွေ လို့ ရနေသောအခါ
သူမ ဘက်က စတင်မိတ်ဆက်လာဖို့ အခြေအနေမှာ
အင်မတန်သမားရိုးကျ ဆန်သွားပါသည် ။

ကျွန်တော့် ဓါတ်ပုံ နှင့် ကျွန်တော့် မွေးနှစ် ကအစ ကျွန်တော့် Mail အဆုံး ဖော်ပြထားသော မဂ္ဂဇင်းလည်း ရှိပါသည် ။
အဲဒါကတော့    ရွှေအမြုတေ မဂ္ဂဇင်းဖြစ်သည် ။

ကျွန်တော့် Mail ကို ဆက်သွယ်လာသူ အားလုံးကို    ကျွန်တော်က လက်ခံစကားပြောပါသည် ။
တချို့ ပုဂ္ဂိုလ်များကိုတော့
ကျွန်တော်က စ ဆက်သွယ်စကားပြောပါသည် ။

ကျွန်တော့် ဓါတ်ပုံနှင့် အချက်အလက်များ ရွှေအမြုတေက ဖော်ပြပြီး နောက်ပိုင်း မှာတော့ သိသိသာသာ ထူးခြားမှု တစ်ခု ဖြစ်လာသည် ။

ထိုထူးခြားမှုသည် ကျွန်တော့်ဆီကို ဆက်သွယ်လာသော စာတိုက်မှ စာများးး အင်တာနက် Mailများ သည်
မိန်းကလေးငယ်ငယ် ဆယ်ကျော်သက် များ ဖြစ်နေခြင်း ပင် ။

ကျွန်တော့် ဓါတ်ပုံကို မြင်ဖူးရုံနဲ့ 
အလင်းဆက်က ချောတယ် ဟု ပြောလာသည့်စကားများကို ကျွန်တော် ရင်မခုန်ပါ ။

ကျွန်တော့် မှာ ကျွန်တော့်ရုပ်ရည်နှင့်ပက်သက်ပြီး ခံစားချက်မရှိပါ ။
ကျွန်တော့် ကို ကျွန်တော် မှန်ထဲမှာ ပြန်မြင်ရတိုင်း ချောတယ် ခန့်တယ်လည်း မတွေး မိ ။
သာမန် ယောကျာ်းတစ်ယောက်
သာမန် လူတစ်ယောက်၏ မျက်နှာ ထက်
ဘာမှ လည်း ပိုမထူးခြားပါ ။
ခပ်တည်တည် မှုန်ကုပ်ကုပ် နေတတ်ပြီး အရယ်အပြုံး နည်းသောကြောင့် ကျွန်တော့်ကို ကြည့်လျှင်  ကျက်သရေ မရှိ ဘူး ထင်သူများပင် ရှိနိုင်ပါသည် ။

((( ခက်တာက ရွှေအမြုတေမှာ ပါလာသည့်ပုံကတော့ ပုံထွက်ကောင်းသည် လို့ ဆိုရမလားမသိ တော်တော် အဆင်ပြေပြီး ကြည့်ကောင်းသွားသည် ။ မင်းသားနိုင်းနိုင်း လိုလို / အောင်ရဲလင်း လိုလို ဖြစ်နေသည် ။ နည်းနည်းလျှော့လျှော့ပေါပေါ့ပြောရလျှင် ကိုရီးယား မင်းသားဂျွန်စော နူပျိုစဉ်က ပုံလေးလိုဖြစ်နေသည် ။ )))
ထို အပေါ် ယံ အရေပြားတစ်ထောက်စာကို ကြည့်ပြီး ခင်မင်လာသူများကို ကျွန်တော် ပြန် ခင်မင်ရုံ သာမန်အနေအထားသာ ခံစားခဲ့ပါသည် ။

သာမန်ထက်ပိုထူးသော . . . . . အပေါ်ယံအရေပြားတစ်ထောက်စာ ခင်မင်လိုမှု ထက်ပိုသော . . . .
မိတ်ဆက်မှုတစ်ခုကို ကြုံ လိုက်ရပြီးနောက်မှာတော့ . . . . .
****************************
““  ရှင့်စာတွေ ဖတ်ဖူးတယ် ။
ရှင်က mandalaygazette မှာ စာတွေရေးတယ် မဟုတ်လား ။ ရှင့်အတွေးတော်တော်များများကို သဘောကျပြီး စောင့်ဖတ်နေတာပါ ””” ဆိုပြီး
သူ့ ကိုယ်သူမိတ်ဆက်လာသူ တစ်ယောက်ကိုတော့ . . .
ကျွန်တော် သာမန်ထက် ပို၍  အရေးထား ဆက်ဆံခဲ့ပါသည် ။

သူမသည် ပန်းတစ်ပွင့် ၏ အမည်နှင့် မိန်းကလေးတစ်ယောက်ဖြစ်ပြီး
ကျွန်တော့်ထက် တစ်နှစ်လောက် အသက်ပိုကြီးပါသည် ။
သူမသည် စာအုပ်တော်တော်ဖတ်နိုင်သည့် မိန်းမတစ်ယောက်လည်းဖြစ်သည်။
ကျွန်တော် စာအုပ်တစ်ရာ ဖတ်ဖူးသည် ဆိုလျှင်သူမလည်း စာအုပ်တစ်ရာ ဖတ်ဖူးလိမ့်မည် ။
ကျွန်တော် စာအုပ် တစ်သောင်း ဖတ်ဖူးသည် ဆိုလျှင် သူမလည်း စာအုပ်တစ်သောင်း ဖတ်ဖူးလိမ့်မည် ။
ကျွန်တော် ပြောပြသော စာအုပ်များ ကို သူမ သိနေသည် ။   သူမပြောပြသော စာအုပ်များကိုလည်း ကျွန်တော် သိနေသောအခါ သူမနှင့်ကျွန်တော် စာပေမိတ်ဆွေများအဖြစ် ခိုင်ခိုင်မာမာဖြစ်တည်သွားသည် ။

သူမက ဂျူး ၏ ဝတ္ထု ဇာတ်ကောင်အမျိုးသမီးများ၏ အတွေးအခေါ် နှင့် အယူအဆ တော်တော်များများကို လက်ခံတတ်သူ ။
ကျွန်တော်က တာရာမင်းဝေ ၏ ဝတ္ထု ဇာတ်ကောင်အမျိုးသားများလို လျှို့ဝှက်နက်ရှိုင်းစွာ နားလည်ရ ခက်တတ်သူ ။

ကျွန်တော်တို့နှစ်ယောက် VZO မှ တစ်ယောက်မျက်နှာ တစ်ယောက်ကြည့်ပြီးး စကားများစွာ ပြောဖြစ်ခဲ့ပြီးနောက်မှာ
သူမက မှတ်ချက်တစ်ခု ချခဲ့သည် ။

ရှင်နဲ့ ကျွန်မက ရင်ဘက်ချင်း နီးတယ် ။
*************************
ကျွန်တော် နှင့်သူမ သည် နှစ်နှစ်နီးပါး VZO  ထဲမှာသာ တွေ့ ဆုံစကားပြောဖြစ်ခဲ့သည် ။

သူမက ရန်ကုန်နှင့်အလှမ်းဝေးသော မွန်ပြည်နယ် မြို့ ကလေးတစ်မြို့ မှာ နေထိုင်သူမို့ 
ရန်ကုန်ကို သိပ်မရောက်ဖြစ် ။

ကျွန်တော် နှင့်သူမသည် ရင်းနှီးခင်မင်မှု အတိုင်းအဆ ကြီးမား လာခဲ့သည် ။
တစ်ယောက် ၏ စိတ်ကို တစ်ယောက် သိ လာခဲ့သည် ။
အကြိုက် ချင်းး မကြိုက်တာတွေချင်း
တူညီမှု မတူညီမှုတို့ကို ညှိနှိုင်း တတ်လာသည် ။
တစ်ခါတစ်ရံ သဘောထား မတိုက်ဆိုင်သောအခါ
အခြေအတင် ပြောဆိုဆွေးနွေးကြပြီး နှစ်ယောက်စလုံး၏ သဘောထားများ အတင်းမာဆုံးအချိန်ရောက်လျှင်တော့ နှစ်ယောက်စလုံးကပင် အလျှော့ပေးဖို့ ပြင်ဆင်မိသည် ။
ဘယ်သူက မှ ပိုသည် မရှိ ။
ဘယ်သူကမှ လိုသည်မရှိ ။ တစ်ယောက်ကိုတစ်ယောက် ဦးစားပေးတတ်သော စ်ိတ်အခြေအနေတစ်ခုဖြင့် ပက်သက်ဆက်နွယ်မိသော ရင်းနှီးမှုတစ်ခု ကို ကျွန်တော်တို့ တည်ဆောက် ယူကြသည် ။
=================
မိုးစက်များ ကျွန်တော့်ကို စိုစွတ် အေးစက်စေသော နေ့ တစ်နေ့ မှာတော့ သူမ ရန်ကုန်ကို ရောက်လာခဲ့သည် ။
ကိုးလ တိတိ ရန်ကုန်မှာ နေပြီး သင်တန်းတစ်ခု တက်ရမည် ။
ကျွန်တော် နှင့်သူမ ပထမဆုံးအကြိမ်အဖြစ် အပြင်မှာ လူချင်းတွေ့ ဆုံဖြစ်ပါသည် ။
ထိုနေ့က မိုးတွေ ရွာသည် ။
ထီးကိုင်ရမှာ ပျင်းတတ်သော ယောကျာ်းတစ်ယောက်အဖြစ် ကျွန်တော်က သူမ၏ ထီးကလေးကို ကပ်ဆောင်းလိုက်သည် ။
ကျွန်တော် …သူမကို ထီးမိုးပေးရသော အရသာကလေးကို…ရင်ခုန်သွားသည် ။
ရန်ကုန်မြို့၏ ကားလမ်းရှုပ်ရှုပ်ကို ဖြတ်ကူးသောအခိုက်မှာ ကျွန်တော် သူမ၏ လက်ကလေးကို ဆွဲကိုင်ထားခဲ့သည် ။
ရိုးရှင်းသော လက်ဖက်ရည်ဆိုင်ကလေးတစ်ဆိုင်ထဲ သူမနှင့်ကျွန်တော် စကား များစွာ ပြောဖြစ်ကြသည် ။
စာအုပ်တွေအကြောင်းး
ကျွန်တော့်ကဗျာတွေ အကြောင်းးးး
ကျွန်တော် တို့ ဖတ်ခဲ့ဖူးသော အကြိုက်တူ စာအုပ်များထဲမှ အယူအဆ အတွေးအခေါ်များအကြောင်းးး
အဲဒီနောက်မှာတော့ ကျွန်တော်တို့ 
အချစ်ဆိုသော အရာ နှင့် သံယောဇဉ် ကိစ္စကို နွေးထွေးစွာ ပြောဆိုဖြစ်ကြသည် ။
ထိုညက အိမ်အပြန်သည် ရင်တခုန်ခုန်ဖြင့် ပြန်တွေးတော ငေးမောရန် အကောင်းဆုံး အိမ်ပြန်ခြင်းဖြစ်သည် ။
ထိုညက ကျွန်တော် အိပ်မပျော်ပါ ။
ညနက်လာလေလေ ပို တောက်ပလာလေလေ ဖြစ်သော လှပသည့် ကြယ်ပွင့်ကလေးများကို ငေးမော့ကြည့်ရင်း
အချစ် သီးချင်းလေးတစ်ပုဒ်ကို တိုးတိုးလေး ညည်းဖြစ်သည် ။
==================

နောက်တစ်နေ့  ညနေခင်းမှာတော့ ကျဆိမ့်တစ်ယောက်တစ်ခွက် အတူသောက်ရင်း
အချစ်အကြောင်း ပြောဖြစ်ကြသည့်အချိန်ကလေးမှာပဲ….
ကျွန်တော် သူမကို ချစ်ကြောင်း အသိပေးလိုက်ပါတော့သည် ။
************************
သူမနှင့် ကျွန်တော်သည် အသက်နှစ်ဆယ့်ခြောက်နှစ်ခန့် လူငယ်များပီပီ
အချစ်ဆိုတာထက် သံယောဇဉ်ဆိုတာကို ပိုယုံကြည်ကြပါသည် ။
အချစ်ဆိုတာထက်လည်း ပို နက်ရှိုင်းသော သံယောဇဉ်ကြိုးတို့ဖြင့် ………တိုးပြီး ရစ်ပတ်နှောင်တွယ် မိကြသည် ။
သူမကို ကျွန်တော်..  .  .. ကျွန်တော်ကိုယ်တိုင်  ဘာမှန်းမသဲကွဲသေးသည့် အချစ်ဆိုတာကြီးနှင့် ချစ်တာ မဟုတ်ပဲ…
သံယောဇဉ်ဆိုသည့် ကြိုးတစ်ချောင်းဖြင့်… ..တွယ်တာ  ရစ်ပတ်ခဲ့တာဖြစ်သည် ။
ကျွန်တော့်ကိုလည်း.. သူမ က  ရှင်းပြစရာ မလိုသော..နားလည်မှု  ဖြင့်.. နွေးထွေးစွာ..လက်ခံ ခဲ့ပါသည် ။
ကျွန်တော်တို့ ……  သာမန်လူငယ်နှစ်ယောက် ၏ နီးကပ်မှုမျိုးဖြင့်…. ပိုမိုနီးကပ်ခဲ့ပါသည် ။
===================
န၀ဒေး ရုပ်ရှင်ရုံ …..
မြိုင်ဟေ၀န်ပန်းခြံ….
အောင်ဇေယျကြိုးတံတား…
ကျိုက္ကလော့ဘုရား…..
အင်းစိန်ပန်းခြံနားက… လက်ဖက်ရည်ဆိုင်ကလေးများ….

ထို နေရာ များသည်..ကျွန်တော်နှင့် သူမ.. အကြောင်း..တစ်စုံတစ်ယောက်က ပြန်ပြောပြလျှင် မပါမဖြစ်..
အမြဲပါနေရမည့် နေရာများဖြစ်သည် ။
ကျွန်တော် ..သူမကို… ယောက်ျားတစ်ယောက် ၏ ဆန္ဒစိတ်အထွေထွေဖြင့်.. ပြင်းပြင်းပြပြ လိုအပ်ခဲ့ဖူးသည် ။
သူမသည်လည်း..မိန်းမတစ်ယောက် ၏  ယုယကြင်နာ တတ်ခြင်းနှင့်..ကျွန်တော့်ကို.. ကြင်နာပေးခဲ့သည် ။
ကျွန်တော်.. စိတ်ညစ်နေချိန် တစ်ခုမှာဆိုလျှင်….
ကျွန်တော် ဘီယာ ထိုင်သောက်နေခိုက်……..
………………………………………………..-
=========================================
တစ်ရက်မှာတော့.. သူမနှင့်ကျွန်တော်.. အနာဂတ်အကြောင်းကို ဆွေးနွေးဖြစ်ကြပါသည် ။
သူမသည်.. ရန်ကုန်ကို ကိုးလ တိတိ  ရောက်ရှ်ိခဲ့ပြီးနောက်မှာ….
ဘယ်ဆီဘယ်ဝယ် မသိနိုင်သေးသော..နယ်မြို့တစ်ခုခုကို   တာဝန်ကျမည့် အစိုးရ၀န်ထမ်း အလုပ်ကို   ရည်ရွယ်ထားသူ..။
ကျွန်တော် ရှိနေမည့်.. ရန်ကုန်မြို့ မှာ တာဝန်ကျဖို့ ဆိုသည်မှာ… မဖြစ်နိုင်သော မျှော်လင့်ချက် တစ်ခု လို..ခပ်ရေးရေးကလေးသာ အခြေအနေရှိသည် ။
သူမ ၏ နယ်မြို့ကလေး ကိုပင်… သူမ တာဝန် ကျဖို့ ဆိုသည်မှာ.. မသေချာ.. မရေရာ..။
ကျရာနေရာကို သွားဖို့ .. အသင့်ဖြစ်သော စိတ်ဖြင့်.. သူမက     ပြင်ဆင်ထားပြီးသား ဖြစ်သည် ။
အဲသည်..ကိုးလဆိုသော အချိန်က  မကြာခင်ကလေးမှာပဲ   ပြည့်တော့မည် ။
သူမ  ရန်ကုန်မှ … ဝေးးသွားသော အခါ..ကျွန်တော်.. …ဘယ်လို ကျန်ရစ်ခဲ့မလဲ…။
သူမ ရှိရာကို လိုက်သွား  ရမည်လား..။
ကျွန်တော် ရှ်ိရာကို.သူမ လာခဲ့မည်လား..။
တကယ်တော့…..  အနေဝေးဖို့ ..မတွေး ရဲတော့သော. …   တွယ်တာမှု မျိုးဖြင့်..သူမ ကို ကျွန်တော်က   ( ကျွန်တော့်ကို လည်း..သူမက ) တွယ်တာနေခဲ့ပြီ မဟုတ်လား။
တကယ်တမ်း… ဝေးသွားသော အခါ..ဘယ်လို  ရှေ့ဆက်ကြမလဲ.. ။
ကျွန်တော်…. မွန်းကျပ်လာသော အခါ…
အဲဒီ အလုပ်ကို… မလုပ်လို့ မရဘူးလား… ဟုပင်  မေးမိသည် ။
ဒီအလုပ်ကလွဲရင်.. တခြား အလုပ်တွေ အများကြီးပါကွာ.. ဟု….
သူ လျှောက်မည့်လမ်းကို.. ခြေထိုးခံသလို စကားမျိုး.ပြောမိပါသည်  ။
သူမကတော့…..
အနာဂတ်ကို.. မတွေး ရဲ လို့ …  တမင်ကိုမေ့ထားပြီးနေရကြောင်းသာ….. ပြန်ပြောနိုင်ပြီး…
သူမသည်လည်း..တွေဝေ….နေခဲ့ပါသည် ။
သံယောဇဉ်သည်.. လူငယ်နှစ်ယောက် ၏  စိတ်နှလုံးတို့ ကို  ကောင်းကောင်း ထိန်းချုပ် ခိုင်းစေနေလေပြီ ။
==============================
((( လွန်ခဲ့သော တစ်ပတ်လောက်က .. ကျွန်တော်နှင့်သူမ  ဘာမှ မပြောပလောက်သော အကြောင်းအရာကလေးကို အကြောင်းပြုပြီး..
စိတ်အခန့်မသင့်ဖြစ်ခဲ့ကြသည် ။    အောင်ဇေယျ ကြိုးတံတာေးပါ် လမ်းလျှောက်ပြီး.. တွေ့ ဆုံဖြစ်သော ညနေခင်းမှာဖြစ်သည် ။
ထိုညနေက  ကျွန်တော်  သူမကို.. ဘာစကားတစ်ခွန်းမှ မပြောတော့ပဲ.. တိတ်တိတ်ဆိတ်ဆိတ်  လမ်းလျှောက်နေခဲ့သည်  ။
တိတ်ဆိတ်သော အနေအထားသည် ကျွန်တော်တို့ နှစ်ယောက် အတွက်..  တော်တော်  ထူးခြားသော အနေအထားဖြစ်သည် ။
အဲသည်လောက် တိတ်ဆိတ်မှုမျိုးဖြင့်.. တစ်ခါမျှ  အေးစက်မနေခဲ့ဖူးပါ ။
ထိုညနေမှာတော့.. ကျွန်တော့် မှာ..ဘာမှ ပြောစရာ စကားလု့းမရှ်ိခဲ့ ။ ပြောစရာ စကားလုံး ရှိသော်လည်း.. မပြောမိအောင်နေခဲ့သည် ။
အိမ်အပြန်လမ်းသည်..ကြောက်မက်ဖွယ်ရာ တိတ်ဆိတ်လျက်…  ကျွန်တော်ပင်.. တုန်လှုပ်လာခဲ့သည် ။
သူမက…ပထမတော့..  ..  ဘာမှ  မဖြစ်သလို  လျှောက်လာခဲ့သောလည်း..သူမနေထိုုင် ရာ အဆောင်…လမ်းကလေးထဲ ချိုးဝင်လိုက်သော အချိန်မှာတော့..
သူမက ဤ အခြေအနေကို သည်းမခံနိုင်လောက်အောင်.. ပေါက်ကွဲတော့သည် ။
တိတ်ဆိတ်ခြင်းကို… ဖန်တီးခဲ့တဲ့  အတွက်.နှစ်ဦးလုံးမှာ… အပြစ်ရှိသလိုလို ဖြစ်လာသည် ။
ခဏတာလေး… တိတ်ဆိတ်ငြိ်မ်သက်  ..ခံစားမှု ကို ဖုံးကွယ် ထားဖို့ ပင်….. မလွယ်ကူနိုင်ခဲ့သော..သူမနှင့်..ကျွန်တော်….
မကြာခင်… … ဝေးကွာ လျက်…. ….   တိတ်ဆ်ိတ် ငြိမ်သက်နေကြရတော့မည် ။ )))))

=======================================

ကျွန်တော်တို့  နှစ်ယောက် ၏ အချစ်ရေး..အနာဂတ်သည်… ကြောက်မက်ဖွယ်ရာ  အိပ်မက်ဆိုးတစ်ခုလို .. ….
စောင့်နေပြီ ။
လူဆိုတာ…လင်းဝေ စိမ်းမြတဲ့  ပန်းည များစွာထက်..သရဲခြောက်ရာ ညတစ်ညကို ပိုသတိရတတ်တယ်…ဆိုသော..စကားလုံးကလေးကို…
သတိရသွားသည် ။
တာရာမင်းဝေ ၏ စာအုပ် တစ်အုပ်ထဲမှာ.ဖတ်ခဲ့ရတုန်းကတော့… ဒီလောက်လေးလေးနက်နက် မခံစားခဲ့ ရ ။
အခုအချိန်မှာတော့…..
ကျွန်တော်……  သူမနှင့် ပျော်ရွှင်ကြည်နူးခဲ့သော အချိန်ကလေးများကို..
သတိရတာထက်….
သူမကို လွမ်းနေရမည့်.. အလွမ်းည များကို…  ခါးခါးတူးတူး ခံစားနာကျင်နေရတော့မှာက  ပိုနေတော့မှာကို….
သိလိုက်ပါပြီ ။
အင်းလေ……………….
ဘယ်တတ်နိုင်မလဲနော်…။
အချစ် ကို  … ထိတို့ ကြည့်လိုက်ပြီ..ဆိုကတည်းက…..
ဒါက စိတ်ကိစ္စ ဖြစ်သွားပြီ ။
ဆေးသောက်လို့ ပျောက်တဲ့  ကိစ္စ မဟုတ်ဘူး ။
သံယောဇဉ်ကိစ္စ……
=================================
ကျွန်တော်.. သူမကို   ရဲရဲ ၀ံ့ဝံ့ ချစ်ခဲ့ခြင်းဖြစ်သည် ။
အချစ်ဆိုတာ…ကျွန်တော့်အတွက်..  မီးခိုးငွေ့တွေလို ဝေေ၀၀ါးဝါး  ဖြစ်နေပါစေဦး..ကျွန်တော်ကတော့.. သတ္တိကို အရင်းတည် ၍ ချစ်ခဲ့ပြီ ။
အချစ်ကို..ရွေးချယ် ခဲ့င်္ပြီး မှတော့.. အချစ်ဆီ ကရလာမည့် ရလဒ်မှန်သမျှကို..လက်ခံနိုင်ဖို့ .. အင်အားတစ်ခုတော့..ကျွန်တော် မွေးမြူထားနိုင်ရပါလိမ့်မည် ။
သတ္တိမရှိလျှင် မချစ်နဲ့  ။

=================================
ဟင်းးးးးးးးးးးးးးးးးးးးး

ချစ်ရဲခဲ့မှတော့….

လွမ်းရဲဖို့ လည်း… လိုပါတယ်လေ……။

=================================
=================================

လေးစားစွာ…..

အလင်းဆက်(Gazette)

 Aug 25, 2013