နင့်ကို ငါ ကျေးဇူးတင်ပါတယ် နင်ရယ်

ငါ့အတွက်ဆို ကံကြမ္မာက ဓါးထမ်းပြီး လာနေကျပဲ

အဲဒီလို ငါ မကြာခဏရေးဖူးတယ် ။

တကယ်လည်း ဟုတ်တယ် ။
ကြာတော့ ငါက. . . ကံကြမ္မာဆိုတာကြီးကို ကြောက် ရွံ့ ခြင်းကတစ်ဖက် . .
လာစမ်းကွာ ဆိုပြီး ရင်ကော့ ခေါင်းမော့ အရွဲ့ တိုက်လိုက်ချင် စိတ်က တစ်ဖက်နဲ့. . .နှလုံးသားမှာ အသားမာတောင် တက်လာတယ်။

ငါ စဉ်းစားတယ် ။ ငါ ဖြစ်နေတဲ့ အကျိုးတရားတွေကို ကြည့်ရင်. . .
ငါ လုပ်ခဲ့တဲ့ အကြောင်းတရားက တော်တော် ကမောက်ကမ နိုင်ခဲ့တာပဲ လို့ ။

အခု ငါ လုပ်နေတဲ့ အကြောင်းတရားတွေကလည်း . . ကစဥ့်ကလျားနဲ့. . .
ဆိုတော့ နောင် တစ်ချိန်မှာရော ငါ့ကံကြမ္မာရဲ့ အကျိုးသက်ရောက်မှုဟာ. . . . .
. . . . . . . . . . . .
. . . . . . .
. . . .
. . .
. .
.

အဲဒီလိုနဲ့ပဲ ငါဟာ. . .
မီးခိုးတစ်စလို ဝေဝေဝါးဝါး. . . .
တုန်ရီလှိုက်မောစွာ မျောနေရတဲ့. . .
လေစီးကြောင်းထဲက အမှိုက်တစ်စပဲ ။
ဟုတ်ပါတယ် ။

ငါ မတည်ငြိမ်သေးဘူး ။ မရင့်ကျက်သေးဘူ ။

ဘယ်အရာကို ဖမ်းဆုပ်သင့်တယ်. . . ဘယ်အရာကို လွှတ်ချထားခဲ့သင့်တယ်ဆိုတာတွေ
ငါ သေချာ မခွဲခြားတတ်သေးဘူး။

ငါ့လက်ထဲမှာ ဆုပ်ကိုင်မိတာတွေဟာ. . . ငါ့ဖြစ်တည်မှုနဲ့ မအပ်စပ်တာတွေရော. . .
ငါ့ခံနိုင်ရည်ကို အကြိမ်ကြိမ် ထိုးသတ်ခုတ်ဖြတ်မယ့်. . . ဓါးတွေရော. . .
ငါ့နာကျင်မှုတွေကို နာသည်ထက်နာအောင်. . .တိုက်ခိုက်ချင်တဲ့. . . အနာပေါ်ကျရမှကျေနပ်တတ်တဲ့ တုတ်တွေရော ပေါ့. . . ။

ဒီလိုပါပဲဟာ. . . . ငါဟာ. . . .ဖြစ်သင့်တာတွေကို စဉ်းစားရင်း. . . .
မျှော်လင့်ရင်း. . .
ဖန်တီးရင်းနဲ့. . . .
မဖြစ်သင့်တာတွေ မဖြစ်ချင်တာတွေကိုပဲ ရင်ဆိုင်ကြုံတွေ့ နေရတာ. .
အဲဒီလို ယိုင် တိ ယိုင် တိုင် ဆက်လျှောက်နေရတဲ့ လှမ်းလျှောက်သူ..

နင် လည်း သိမှာပေါ့ဟာ. . .
နင် က ငါ့ ဘဝ ဖြစ်တည်မှု ကို အတွင်းကျကျ သိခဲ့သူပဲ ။
နင်နဲ့ ငါ ရဲ့ ပက်သက်မှု ဟာ. . . အခုလို ဟက်တက်မကွဲခင် အချိန်ကဆို အံ့သြစရာကောင်းလောက်အောင် . . .
တွယ်ငြိခဲ့ကြတာပဲ ။

အဲဒီတုန်းက နင်ရော ငါရော မမောနိုင် မပန်းနိုင် လှမ်းကိုင် တို့ ထိ စားသုံးခဲ့ကြတာက ” အချစ်ဆိုတဲ့သစ်သီး”လေ။

အခုနေ ငါ စဉ်းစားကြည့်မိတော့. . . .အဲဒီတုန်းက ငါတို့ စားသုံးခဲ့ကြတဲ့ အချစ်သီးဟာ. . .
ရူးလောက်အောင် ချိုမြိန်ပြီး ကြောက်စရာကောင်းလောက်အောင်. . .အဆိပ်ပြင်းတယ်ဆိုတာပဲ ။

နင်ရော အချစ်ကို ဘယ်လိုများ အဓိပ္ပာယ်ဖွင့်ဦးမလဲ. . .

နင်ကတော့ အချစ် ပင်လယ်ထဲကနေ ကမ်းစပ်တစ်ခုဆီကို ကူးခတ်သွားပြီး. . .
အချစ်ရဲ့ ငတ်မပြေမှုထဲကနေ. . . ရုန်းထွက် လွတ်မြောက်နိုင်ခဲ့ပြီပဲ. . . .။

နင့်ဆီမှာ. . . အချစ်နဲ့ ပက်သက်တဲ့ ခံစားချက်တွေ အရင်လို မရှိတော့ဘူးထင်ပါရဲ့ ။

ငါကသာ အချစ်ရဲ့ အရသာကို ပြန်လည် တမ်းတရင်း အခုထိ အဆိပ်တက်ကောင်းတုန်း. . . .

နင် . . . သိပ်တော်ပါတယ် ။

မနေ့က နင်နဲ့ မထင်မှတ်ပဲ ဆုံတွေ့ ချိန်မှာ. . .
ငါက ဟန် မဆောင်နိုင်လောက်အောက်. . . ကြေကွဲနေတဲ့သူ. . . .

နင်ကတော့. . . . ဘာမှ မဖြစ်ပျက်ခဲ့သလိုမျိုး စနစ်တကျ ဟန်ဆောင်ပြီး ဟန်မပျက် နေပြနိုင်ခဲ့သူ. . . . .

နင့်ကို ငါ အားကျပါတယ် ။

နင့် ရဲ့ အသည်းမာမှုကို အားကျတာပါ။

”သူရရယ်. . . နင့်ကို ငါ သတိရ နေတာ” ဆိုတဲ့စကားကို ငါက သွေးရူးသွေးတန်းမျှော်လင့်နေခဲ့ပေမယ့်. . . .
တကယ်တမ်း နင်ပြောတဲ့ စကားက ငါ့အတွက် သိပ်မချိုဘူးဟာ. . .

” အဆင် ပြေတယ် မဟုတ်လား သူရ ‘‘တဲ့။

အဲဒါ တစ်နှစ်လောက် ဝေးကွာပြီး အမှတ်မထင် ပြန်ဆုံတွေ့ တဲ့ ရည်းစားဟောင်း ယောကျာ်းတစ်ယောက်ကို နှုတ်ဆက်တဲ့စကားပေါ့နော်. . . ။

နင်နဲ့ငါက ပြတ်တောက်သွားတဲ့ အချစ်ဇာတ်လမ်းတစ်ပုဒ်ထဲက . . .
မင်းသမီး နဲ့ မင်းသား ပါ ။

အမုန်းနဲ့ လမ်းခွဲတာ မဟုတ်သလို နာကျည်းချက်တွေနဲ့ လမ်းခွဲခဲ့တာလည်း မဟုတ်ခဲ့ပါဘူး ။

တစ်ယောက်ကိုတစ်ယောက် ချစ်နေလျက်နဲ့ မဖြစ်နိုင်တဲ့ ဇာတ်လမ်းမို့  ရှေ့ မဆက်ပဲ ရပ်တန့်ခဲ့ရတာပါ ။

ကိုယ့်ဒဏ်ရာ ကို ကိုယ့်လက်နဲ့ ဖိရင်း နာကျင်စွာ လမ်းခွဲခဲ့ရတာ. . . .
သံယောဇဉ် လက်ကျန်တွေ . . . နင့်ရင်ထဲမှာရော. . . ငါ့ရင်ထဲမှာပါ. . . တူးဆွကြည့်စရာ မလိုပဲ
တွေ့ နိုင်ပါတယ်ဟာ။

အခုတော့ နင့်ဆီမှာ. . . ငါနဲ့ ပက်သက်ခဲ့သမျှ တစ်ခုမှ မရှိတော့သလိုမျိုး ဟန်မပျက်နေပြသွားခဲ့တာ ။

ငါ အံ့သြမိပါတယ် ။
ငါ့ကို နင် ပြောဖူးခဲ့တဲ့ . . .
” သိပ်ချစ်တာပဲ မောင်ရယ်. . . ” ဆိုတဲ့ စကားသံ ချိုနွဲ့နွဲ့လေးဟာ နင် ပြောခဲ့တာမှ ဟုတ်ရဲ့လား။

”မောင်နဲ့ ခွဲရရင် သေသွားမယ် ထင်ပါရဲ့ မောင်ရယ်. . . ” ဆိုပြီး ငါ့ရင်ခွင်ထဲ မှီတွယ် ငါ့လက်ကလေး ကိုင်ပြီး ပြောခဲ့တာ နင်မှ ဟုတ်ခဲ့ရဲ့လား ။

နင့်ကို ငါ ချစ်မြတ်နိုးတဲ့ စိတ်နဲ့ . . .
စာလှလှလေးတွေ ကဗျာလို ရွရွလေးရေးခဲ့တဲ့ ငါ့လက်ကလေးကို နင်. . .အနမ်းပွင့်လေးတွေ ချွေပြီး
” မောင့် လက်ကလေးကို ဟောဒီလို အမြဲ ဆုပ်ကိုင်ခွင့် ရချင် တာ . . . မောင်ရဲ့ ” လို့ ပြောခဲ့တဲ့ ငါ့ချစ်သူဟာ နင် မဟုတ်တော့သလိုပဲနော် ။

နင့်အတွက် အဲဒါတွေက အိပ်မက်ဖြစ်သွားပြီ ဆိုပေမယ့် ငါ့အတွက်တော့ . . . .

 လက်တွေ့ ကျနေဆဲပါပဲ ဟာ. . . .

အဆင်ပြေတယ် မဟုတ်လားတဲ့ ။
အဲဒါ. . . . .
အဆင်ပြေလားဟင် လို့ မေးတာ မဟုတ်ဘူး ။

ငါ အဆင်ပြေ နေတယ် လို့
နင် ယူဆထားတာ. . .
နင့် အယူအဆ မှန်သလားဆိုတာ သေချာချင်ရုံပေါ့လေ ။

အဆင်ပြေတယ် မဟုတ်လား တဲ့ ။
အဟက် ။
ငါ့ပုံစံက ဘာဒဏ်ရာ ဒဏ်ချက်မှ မရှိပဲ အဆင်ပြေလွန်းနေတဲ့ ပုံစံပေါက်နေလို့လား ။

ရည်းစားဟောင်းကို လမ်းမှာ မထင်မှတ်ပဲ . .
ဆုံတွေ့ လိုက်တဲ့အခါ ဘယ်လို မျက်နှာ အမူအယာနဲ့ နေရမှန်း ငါမသိဘူး ။

အထူးသဖြင့် ငါ့ရည်းစားဟောင်း(နင်)က
တခြားယောကျာ်းတစ်ယောက် ရဲ့ လက်ကိုတွဲပြီး ငါ့ရှေ့မှာရပ် / ငါ့ကို နှုတ်ဆက် / အဲဒီ လက်တွဲဖော်အသစ်နဲ့ ငါ့ကို မိတ်ဆက်ပေးနေချိန်မှာ . . .

ငါ. . . . ငါ. . . ဘယ်လို နေရမလဲ. . . .

တောက်ခတ်ပြီး လှည့်ထွက်လိုက်ရမှာလား. . .
ခေါင်းငုံ့ချ လိုက်ရမှာလား. . .
နင် အခုတော့ ငါ့ထက်သာတဲ့ တခြားသူကို ငါ့ရှေ့  လက်ဆွဲပြရက်ပြီပေါ့ ဆိုတဲ့ အဓိပ္ပာယ်နဲ့ . . .
နင့်ကို ကြေကြေကွဲကွဲ ကြည့်နေရမှာလား။

ဟေ့အေး ။

ငါ ကလေးငယ်တစ်ယောက် မဟုတ်တော့ဘူး။

အသက် နှစ်ဆယ့်ခုနှစ် အရွယ် ယောကျာ်းတစ်ယောက် အနေနဲ့ ငါ ရုပ်ပျက်ဆင်းပျက် မဖြစ် ရုံတော့. . .ဟန်ဆောင် ပြုံးပြနိုင်ခဲ့တယ်ပေါ့။

ငါ့ အပြုံးက . . . သိပ် မပိရိပဲ အိုးနင်းခွက်နင်း ဖြစ်သွားမှာပါ ။
နင့်လိုမှ . . . ငါ မကျွမ်းကျင်ပဲ ။

ဒါပေမယ့်. . . .
နင့် ကျွမ်းကျင်မှုကို မျက်ဝါးထင်ထင် တွေ့ လိုက်တာ ငါ့အတွက် အကျိုးတော့ ရှိသွားပါတယ်လေ ။

ငါလေ . . . အလွမ်း အဆွေး အချစ်တို့ရဲ့ နွံထဲကနေ . . .

ဘွားခနဲ ရုန်းထွက် လိုက် နိုင် မှ ဖြစ်တော့မယ် လို့ . . . သတိရသွားစေတဲ့ အတွက်

( အိပ်မက်တွေထဲက နိုးထစေတဲ့အတွက် )

နင့်ကို ငါ ကျေးဇူးတင်ပါတယ်. . . .

နင် ရယ် . . . .

ငါ . . .အံတင်းတင်းကြိတ် လက်သီး မသိမသာဆုပ်ပြီး ပြန်ပြောမိတဲ့စကား ကြားတော့ နင် ဝမ်းသာ သလားးးး

( ” အဆင်ပြေတယ် မဟုတ်လား သူရ ” )

” ငါ. . . အရင်ကတော့ အဆင်မပြေဘူးဟ ။ အလူးအလဲပဲ. . . ။

ဒါပေမဲ့ အခုတော့

အရမ်း အဆင်ပြေသွားပြီ . . . ။

ငါ့ ဘဝမှာ အဆင် အပြေဆုံး အချိန်ဟာ . . . အခု အချိန်ပဲ ”

***************

အိမ်ရောက်တော့. . .
ငါ့ဘဝထဲက လွှတ်ချခဲ့ရမယ့် အရာတွေ. .
မေ့ပစ်လိုက်ရမယ့် အရာတွေကို
စာရင်း လုပ်ကြည့်မိတယ် ။

” နင်နဲ့ ငါရဲ့ ပက်သက်မှု အစအဆုံး ” ကို မေ့ပစ်ဖို့က . . . . မေ့ပစ်ရမယ့် စာရင်းရဲ့ ထိပ်ဆုံးမှာ ဖြစ်နေတယ် ။

. . . .
. . . .
. . . .
. . . .

ငါ. . .

မကြာခင်. . .

တကယ် အဆင်ပြေတော့မှာပါ. . .

. . . .
. . . .
. . . .


********************

အလင်းဆက် (Gazette)

9 / 2 / 2014 / 15 : 05 pm