ငါသည်သာ..သမဒကြီးဖြစ်၍…ဤအဖြစ်မျိုး..မြင်ခဲ့သည်ရှိသော်……

မောင်သူရဆိုတဲ့ ချာတိတ်ကလည်း

မနေနိုင်မထိုင်နိုင်နဲ့ ဟိုတွေးဒီတွေး လျှောက်တွေးတတ်တာ။

ဟိုနေ့ကလည်း  မတော်တရော်မြင်ကွင်းတစ်ခုကို မြင်ပြီး ……………

ဟိုထောင့်ဒီထောင့်ကနေ ရှာကြံတွေးမိရာက စပြီး ဒီစာတစ်ပုဒ် ထွက်ကျလာတယ်ဆိုပါတော့။
————
အဲဒီနေ့က
ညနေ ၇း ၀၀ လောက် . . .
မောင်သူရ အလုပ်ကအပြန် . . .
မရမ်းကုန်းမြို့နယ်ထဲက အထင်ကရ မီးပွိုင့်ကြီးတစ်ခုမှာပေါ့ဗျာ။
အဲဒီ မတော်တရော် သရော်ချင်စရာ အဖြစ်ကြီး ထ ဖြစ်တာဗျ။
အဲဒီ အဖြစ်မျိုးကို ရန်ကုန်မြို့က မီးပွိုင့်တော်တော်များများမှာ လူတော်တော်များများ မြင်ဖူးကြမှာပါ။
မြင်ရလွန်းလို့ ရိုးတောင် နေပြီလားမသိ ။
ဒါပေမယ့် အဲဒီလို ….
အရေးပေါ်လူနာတင်ယာဉ်တွေ တကယ်အရေးကြီးလို့ ပျာတီးပျာတာ မောင်းလာတာကို မြင်နေကြားနေပါလျက်နဲ့ . . .
မီးပွိုင့်စောင့်ဦးဦးရဲကြီးတွေက အရေးမကြီးသယောင် လက်ပိုက်ကြည့်နေနိုင်တာ မြင်မိတိုင်း
မောင်သူရတော့ တော်တော် ခံရခက်တယ်ဗျ။
အဲဒီညနေက လမ်းမီးတွေ စဖွင့်ပြီးစအချိန်. . .
ကားတန်းရှည်ကြီး   ပျင်းရိငြီးငွေ့ ဖွယ်ရာ  ရပ်တန့်နေကြချိန်. . .
ဟိုဘက် ကန့်လန့်ဖြတ်ယာဉ်ကြောကို မီးစိမ်းပြထားလို့ ဒီဘက်ယာဉ်ကြော တန်းစီပြီး မီးစိမ်းကို စောင့်မျှော်နေကြချိန်. . .
ရပ်ထားကြတဲ့ ကားတန်းကြီးရဲ့ အပေါ်ဆုံးလမ်းကြောဘက်ကနေလမ်းအလယ် မျဉ်းကိုတောင် ကျော်ပြီး
ဟိုဘက်  မျက်နှာချင်းဆိုင်ယာဉ်ကြောထဲထိ အပြေးအလွှားမောင်းလာတဲ့ လူနာတင်ယာဉ်တစ်စီးးး
မီးပွိုင့်ထိပ်ဆုံးရောက်တော့ ရပ်လိုက်ရတယ် ။
မရပ်လို့လည်းမရတော့ဘူးလေ။
ကန့်လန့်ဖြတ်ယာဉ်ကြောပေါ်မှာ ဘယ်ဘယ် ညာညာ ဖြတ်မောင်းနေကြတဲ့ ကားတန်းကြီးက ပိတ်ပြီကိုး။
မီးပွိုင့်ကြီးကလည်း ပြတ်ပြတ်သားသားကြီး နီလျက်ကိုး. . .။
လူနာတင်ယာဉ်ဟာ တော်တော်အရေးကြီးနေတဲ့  လူနာ ပါပုံရပါတယ်။
အသက်လုရမယ့် အရေးပေါ်လူနာပါလာလို့ စိတ်လောနေပုံရပါတယ်။
ကားဟာ အချက်ပေးသံ တညံညံကို အစွမ်းကုန် ဖွင့်လျက်သား. . .
ကားဟာ ဘာဖြစ်ဖြစ် ဇွတ်တိုးထွက်မှ ဖြစ်တော့မယ့်ပုံစံနဲ့ ခုန်ဆွခုန်ဆွတောင် ဖြစ်လို့။
ကန့်လန့်ဖြတ်ယာဉ်ကြောပေါ်က ဖြတ်သွားနေတဲ့ ကားတွေကြား တစ်စီးစာလောက် ဟတာနဲ့
ဇွတ်တိုးပြီး မီးနီဖြတ်ပစ်တော့မလိုမျိုး. . .
ကြည့်လိုက်တာနဲ့  တော်တော့် တော်တော်ကို အသည်းသန်အရေးကြီးနေတဲ့ပုံစံသိသာလွန်းပါတယ်။
ဒီတော့ မောင်သူရတို့က မီးပွိုင့်ဂိတ်ထဲကို လှမ်းကြည့်တာပေါ့။
အရေးပေါ်လူနာတင်ကား  အတွက်  ယာဉ်ကြောများ ထွက်ရှင်းပေးမလားပေါ့။
ထွက် မရှင်းပေးတောင် မီးပွိုင့်များစိမ်းပေးလိုက်မလားပေါ့
လက်ရှိ စိမ်းထားတဲ့ဘက်ကို မီးဝါလေး ဆယ်စက္ကန့်လောက်
အချက်ပြပေးပြီး နီလိုက်/ရပ်ခိုင်းလိုက်ရင် ဒီအရေးပေါ်လူနာတင်ကားတော့
ဆယ်စက္ကန့်လောက်အတွင်းမှာ လိုရာ ဆက်သွားနိုင်မှာပဲ ။
နီနေတဲ့ မီးပွိုင့်ကိုများ  ချက်ချင်း ပြောင်းပေးမလား ဆိုတဲ့ မျှော်လင့်ချက်နဲ့
မီးပွိုင့်ထိပ် ဂိတ်ထဲကို လှမ်းကြည့်ကြတာပေ့ါ။
ဟန့်အန်းးး
မထူးပါဘူး။
နီမြဲ နီထားဆဲ ။
အဲ. . . .မဟုတ်ဘူးးးးးးး
ထူးတယ်ဗျ။
ဘာထူးတာလဲဆိုတာကို ….ဟောဒီမောင်သူရပြောပြမယ် ။
————-
မီးပွိုင့်မှာ ဦးဦးရဲကြီးတွေမှ သုံးလေးယောက်လောက် ရှိတယ်ဗျ။
ညနေချမ်းအချိန်လေးဆိုတော့ အေးအေးလူလူပဲ ဂိတ်ထဲကထွက်ပြီး
အပြင်ဘက်မှာတောင် ခြေဆန့်လက်ဆန့် ထိုင်လို့. . .
ရယ်ရယ်မောမော စကားတွေတောင်ပြောလို့. . .
“နေ့လည်က. . .လူကြီးတွေလာတဲ့လမ်းကြောင်း  ရှင်းပေးရတာ တော်တော်မောသလား. . .”
ဘာညာမေးစမ်းနေကြတယ်ထင်ပါရဲ့။
လူနာတင်ယာဉ်ရဲ့ တညံညံအချက်ပေးသံကို
ဘေးပတ်ဝန်းကျင်က လူတွေအားလုံး ထိတ်သာလန့်သာ ကြားနေပါလျက်နဲ့
ပါးနပ်ကျွမ်းကျင်သော ယာဉ်ထိန်းရဲဦးဦးတို့ရဲ့ နားမှာ ကြားစရာ မဟုတ်တာ ထူးပါပေ့။
ကြားလည်းကြား မြင်လည်းမြင်ပါလျက်နဲ့ ဥပေက္ခါ ပြုရက်နိုင်တာ ထူးပါပေ့။
ဟို ‘လူကြီး”ဆိုတဲ့ လမ်းကြောင်းလောက်  မရေးမကြီးဘူး. . .လို့ယူဆထားနိုင်ပြီး. . .
မျက်နှာလွှဲ ခဲမပစ်(အသိအမှတ်မပြုတာ)  ထူးလည်း ထူးပါပေ့။
စဉ်းစားကြည့်ပါဦး။
အရေးကြီးပုဂ္ဂိုလ်လို့ ဦးဦးမော်တော်ပီကယ်တွေ သတ်မှတ်ထားပြီး ပျာပျာသလဲ လမ်းရှင်းပေးနေရတဲ့
နိုင်ငံတ်ာအစိုးရပိုင်းအရာရှိ ဆိုတာကြီးတွေ အရေးကြီးသလား။   ဆိုတော့. . . .အရေးကြီးပါတယ်။
နိုင်ငံဝန်ကို ထမ်းနေရတာကိုး။
နိုင်ငံရဲ့အရေးကိစ္စ အဝဝကို တာဝန်ယူ ဖြေရှင်း လုပ်ကိုင်ဆောင်ရွက် ညွှန်ကြားး စီမံနေရတာကိုး. . . .
အရေးကြီးပါသော်ကော. . .
ဒါပေမယ့် သေချာစဉ်းစားကြည့်ကြပါဦး . . .

အဲဒီ နိုင်ငံတော်အစိုးရ အရာရှိတွေဆိုတာ ပြည်သူတွေခန့်အပ်ထားလို့ အဲ့ဒိတာဝန်ကို ယူနေရတာလေ။

ပြည်သူရဲ့ တာဝန်အဝဝကို ယူပါမယ်ဆိုပြီး ဇွတ်ဝင်ယူ လုပ်နေတဲ့ အာဏာရှင် လက်နက်အစိုးရမှ မဟုတ်တာ။

ပြည်သူက သဘောတူ ကြည်ဖြူစွာနဲ့ ဆန္ဒမဲ ပေးပြီး ခန့်အပ်ထားတဲ့ နိုင်ငံရဲ့ ဝန်ထမ်းကြီးတွေ . . .

ဟုတ်တယ်ဟုတ်. . . .

ဒါဆို ဘယ်သူ ပိုအရေးကြီးသလဲ။

အလုပ်ပေးထားတဲ့ ပြည်သူက အရေးမကြီးဘူးလား။

ပြည်သူတောင်မှ ရိုးရိုး သန်စွမ်းမနာ ကျန်းမာ တဲ့ ပြည်သူဆို ထားဦး။
အခုဟာက သေလုမျောပါး အရေးတကြီး အသက်လုရမယ့်အခြေအနေနဲ့
အချိန်နောက်ကျရင် အသက်ဆုံးရှုံးသွားမယ့် ပြည်သူ . . .
အဲဒီလို သေရေးရှင်ရေးကို အရေးကြီးပုဂ္ဂိုလ်/ဦးစားပေးအခြေအနေထဲ စာရင်းမသွင်းပဲ. . .
ဟို ခြေကောင်းလက်ကောင်း အစစအရာရာ ကောင်းနေတဲ့
ကားအကောင်းစားကြီးတွေပေါ်မှာ အငြိမ့်သားထိုင်ပြီး ရှေ့တော်ပြေး နောက်တော်ပြေးတွေနဲ့
လမ်းတော်ကို ရှင်းပြီးအဆင်သင့်အမြဲသွားနေရတဲ့ အရာရှိကြီးတွေကိုပဲ ဦးစားပေး အမြဲ တွေးနေတာ/လုပ်နေတာ
တရားသလားပေါ့။
မျှတသလားပေါ့။
———
လုပ်သင့်လုပ်ထိုက်တာကို မလုပ်ရင် မဖြစ်သင့်မဖြစ်ထိုက်တာတွေ ဖြစ်ဖြစ်လာမှာ သဘာဝပါ။
လုပ်သင့်တာက ဘာလဲ ဖြစ်သင့်တာက ဘာလဲဆိုတာတွေကို တွေးခေါ်မျှော်မြင်ပြီး လုပ်ကိုလုပ်မှ တိုးတက်မှာပါ။
စံမံခန့်ခွဲမှု ညံ့လို့ပဲ ဖြစ်ဖြစ်
စိတ်နေသဘောထား ညံ့လို့ပဲဖြစ်ဖြစ်  အရည်အသွေးညံ့မြဲ ညံ့နေရင်တော့  ရှက်ဖို့ကောင်းမြဲ ရှက်နေရဦးမှာပါပဲ ။
စီမံခန့်ခွဲတဲ့ အထက်ပိုင်းက. . .တကယ် လုပ်ဆောင်သင့်တာတွေကို ညွှန်ကြားနိုင်ရမယ်။
အညွှန်ကြားခံရသူကလည်း………..
တကယ် လုပ်သင့်တာကို စိတ်နေသဘောထား ကောင်းမွန်စွာနဲ့ မှန်မှန်ကန်ကန် ဆောင်ရွက်နိုင်ရမယ် ။

တိုင်းပြည်တိုးတက်ဖို့ရာက

အောက်ခြေအဆုံးက ဝန်ထမ်းတစ်ယောက်ချင်းစီရဲ့ အသိနဲ့လည်း

ထောက်ကူဖို့ လိုပါသေးတယ် ။

ဒါလေးတွေးမိဖို့လိုပါတယ်။
မောင်သူရတို့ စကားကြီးစကားကျယ်တွေ ပြောနေပြီလို့ စွပ်စွဲလည်း ခံရုံပါပဲ။
—————–

စိတ်ဓါတ် ရယ်  စည်းကမ်းရယ် ပညာရယ် အရေးကြီးပါတယ်။

ပညာဆိုတဲ့ အသိ အတွေးအခေါ်အယူအဆတွေ ရှိရမယ်။

ကောင်းသော အသိ

ကောင်းသော အတွေးအခေါ်အယူအဆနဲ့

ကောင်းသော လုပ်ရပ်တွေကို အကောင်အထည်ဖော်နိုင်ရမယ်။

စည်းကမ်း ရှိရမယ် ။

စည်းနဲ့ ကမ်းနဲ့  မျှမျှတတ နေပြနိုင်ရမယ် ။

စည်းကမ်းဆိုတာ လူတစ်ယောက်ချင်းစီရဲ့ တန်ဖိုးဆိုတာထက်ကို ပိုပါတယ်။

လောကကြီးတစ်ခုလုံး ဟန်ချက်ညီညီ ဖြစ်တည်ဖို့ စည်းကမ်းဆိုတာနဲ့ ထိန်းညှိယူသွားရမှာပါ ။

အရေးအကြီးဆုံးကတော့ စိတ်ဓါတ်ပါ။

စိတ်နေသဘောထားပေါ့။

ဘယ်လောက် ပညာတတ်တတ်

ဘယ်လောက်စည်းကမ်းရှိရှိ

စိတ်နေသဘောထား မမှန်ရင် မှန်ကန်တဲ့ လုပ်ရပ်တွေကို အကောင်အထည်မဖော်နိုင်ဘူး။

စိတ်နေသဘောထား မှားယွင်းရင် . . .

အသိမှား အလုပ်မှားတွေနဲ့ အမှားသံသရာထဲ . . .တဝဲထဲ ဝဲပြီး ရွာလည်နေပါလိမ့်မယ် ။

အမှားထဲမှာ ရွာလည်နေတာဟာ. . .

ဘာနဲ့မှ မတူအောင် ရှက်စရာကောင်းပါတယ်။

—————–
စီမံခန့်ခွဲမှု ညံ့ဖျင်းလို့ပဲလားးးးး
လုပ်ဆောင်သူရဲ့ စိတ်နေသဘောထား ညံ့ဖျင်းမှုကြောင့်လားးးး
အဖြေရှာဖို့ လိုပါတယ်။
စနစ်ကြောင့်လား အကျင့်ကြောင့်လားပေါ့။
စနစ်ကြောင့်ဆို စနစ်ပြင်
အကျင့်ကြောင့်ဆို အကျင့်ပြင်ဗျာ
ဘာကြောင့်ဖြစ်ဖြစ်  ….ဒီလို မြင်ကွင်းတွေ ဖြစ်နေတာ မဖြစ်သင့်ဘူးဆိုမှတော့ ပြင်တော့ပေါ့။
မပြင်ရင် ”ရွာ”   ”နာ” မယ်။
ရွာနာတာထက်ကို

”ရွာ့ သိက္ခာကျတာ”က . . . ပို ရှက်ဖို့ကောင်းတယ် ။

___________
ရှက်ဖို့ကောင်းတယ်ဆိုလို့ ဒီအဖြစ်အပျက်ကို. . .
မောင်သူရတို့ သမဒကြီး သိမယ် မြင်မယ် ဆိုရင် ဘယ်လိုနေမလဲ. . . .
—————————
အဲဒီ အတွေးနဲ့ မောင်သူရ စဉ်းစားမိတယ် ။
မောင်သူရသာ သမဒကြီးဖြစ်နေတယ်ဆိုပါစို့. . .
အဲဒီ အဖြစ်အပျက်တွေကို သမဒကြီး မောင်သူရ မြင်သွားတွေ့ သွားတယ် ဆိုပါစို့ဗျာ ။
အားးးပါးးးးပါးးးး
သမဒကြီး မောင်သူရ . . . . ရှက်လိုက်မယ့်အမျိုးဗျို့. . .
ကိုယ်ကတော့  ပျာပျာသလဲ ထွက်ရှင်းပေးထားကြတဲ့ ယာဉ်ကြောပေါ်
ကားအကောင်းစားကြီးနဲ့ အငြိမ့်သား ထိုင် လိုက် လို့
ဟိုမှာတော့ သေရေးရှင်ရေး အသက်လုဘေးနဲ့ ကြုံတာတောင် မီးပွိုင့်ကြီးနီပြီး ပိတ်ဆို့ ခံ နေရတယ်. . .
မျက်နှာလွဲခဲပစ်
ဖြေရှင်းမပေး
အသိအမှတ်အပြု မခံရ. . .
အချိန်မှီ မရောက်လို့ သေတော့မယ့် လူနာ. . . .
ကိုယ်က သန်သန်မာမာ  ….ရပိုင်ခွင့်တွေ တနင့်တပိုးနဲ့. . .
ဟိုက. . .ဆုံးရှုံးရတော့မယ့် အသက်တွေ  …ဘဝတွေ …မျှော်လင့်ချက်တွေ  အနာဂတ်တွေ. . .
အင်းးးးးးး
မောင်သူရသာ သမဒကြီးဖြစ်၍ ထိုအဖြစ်ကို မြင်ခဲ့သည်ရှိသော်. . .ပေါ့ဗျာ. . . .
အဲဒါမျိုးဖြစ်သွားတာ ဖြစ်နေတာကို ရှက်လို့. . .
ရုပ်မြင်သံကြားကနေ . . .

ပြည်သူတွေကို . . .

ရှက်ပြုံးလေး ပြုံးပြပြီး

”ဝမ်းနည်းပါတယ်. . . နောက်ကို ဒါမျိုးမဖြစ်စေရအောင် စီမံပါ့မယ် ” လို့…. ပြောမိမှာဗျ ။

အပြောနဲ့ ညီအောင်လည်း လုပ်မိမှာဗျ ။


မောင်သူရသာ သမဒကြီးဖြစ်၍…
ထိုအဖြစ်မျိုး ကြုံခဲ့သည် ရှိသော်. . .ပေါ့ဗျာ. . . . . . .  . . . .


လေးစားစွာဖြင့် . . .
မောင်သူရ
19 / 5 / 2014 / 22 : 24
(( မည်သူ့ကိုမျှ နစ်နာစေလိုခြင်းမရှိပါ။
ကောင်းမွန်တိုးတက်စေလိုသော စေတနာသန့်သန့်ဖြင့် ခံစား ဝေဖန်ခြင်းသာ ဖြစ်ပါသည်။ ))

Comments

Popular posts from this blog

မုဒြာရဲ့ခေါ်သံကို ခံစား ဝေဖန်ခြင်း

ဝမ်တိန်အသွားလမ်းကို ခံစား၊ ဝေဖန်ခြင်း (စာပေဆောင်းပါး)

“ဂျူးရဲ့ ရသခြုံလွှာကို ခံစား၊ဝေဖန်ခြင်း”