တချို့  . . .ယောကျာ်းတွေ. . .( ၁ )

((( အရင်ကတည်းက ဆရာမဂျူးရေးတဲ့ ကျွန်မတို့မိန်းမတွေ ဆိုတဲ့ ဆောင်းပါးလေးတွေ ဖတ်ခဲ့ရတယ်။

အဲဒီ မိန်းမတွေဘက်က အကြောင်းအရာတွေကို ဂျူးရေးသလို ကျွန်တော်လည်း ကျွန်တော်တို့ ယောကျာ်းတွေနဲ့ ပက်သက်ပြီး ကျွန်တော် မြင်မိတာလေးတွေ ရေးချင်လာတယ်လေ။

ရေးမယ် ဆိုပြီး တွေးထားပေမယ့် တော်တော်နဲ့ မရေးဖြစ်ခဲ့ပဲ အခုမှ စရေးဖြစ်တယ်ဆိုပါတော့။

ယောကျာ်းတစ်ယောက်အနေနဲ့ ကိုယ်တွေရဲ့ ယောကျာ်းသားဖြစ်မှုကို အမွှန်းတင် အကောင်းပြောတာမျိုးလည်း မဖြစ်အောင်
အဆိုးအပြစ်တွေ ကြံဖန်ပြောတာမျိုးလည်း မဖြစ်အောင် ရေးဖို့ ကြိုးစားပါ့မယ် ။

ကျွန်တော့် အမြင်တွေကို ပြောတာဖြစ်တဲ့အတွက် တခြားသူတွေနဲ့ အမြင်ချင်း ကွဲပြားနိုင်ပါသေးတယ်။

အဓိကကတော့
ကျွန်တော်က
ကျွန်တော်တို့ယောက်ျားတွေနဲ့ ပတ်သက်ပြီး ကောင်းစေလိုသောစိတ် တိုးတက်ကောင်းမွန်ဖို့ဆိုတဲ့ ရည်ရွယ်ချက်နဲ့ ရေးပါတယ်ဆိုတာပါပဲ ။ )))

ကဲ စ ဆွဲပြီဗျို့ . . .

———————-

ယောကျာ်းဆိုတဲ့အထဲက တချို့တချို့သော ယောကျာ်းတွေရဲ့ သဘာဝကို ယောကျာ်းချင်းဖြစ်တဲ့ ကျွန်တော်တို့ကိုယ်တိုင် အံ့သြယူရတာတွေ ရှိပါတယ် ။

တချို့ ယောကျာ်းတွေဟာ အတ္တတွေ သိပ်ကြီးတယ်ဗျ။

ကိုယ့်ဘက်က ဖြစ်ချင်တာကိုပဲ ဦးစားပေးပြီး ဖြစ်သင့်ရဲ့လားဆိုတာကိုတောင် မစဉ်းစားနိုင်တော့တဲ့အထိ အတ္တအမှောင်ထဲမှာ ပိတ်မိနေကြသူတွေပေါ့

အဲဒီလို အတ္တအမှောင်ထဲက ယောကျာ်းတွေအကြောင်း ပြောမယ်ဆိုရင် . . .ဟိုတလောက ဖတ်ခဲ့ဖူးတဲ့ သတင်းတစ်ပုဒ်ထဲက ယောကျာ်းတစ်ယောက်ကို ပြေးမြင်မိရော. . .

အဲဒီယောကျာ်းဟာ. . .

—————————————

နိုင်ငံခြားက သတင်းတစ်ပုဒ်ပါ။
ဘယ်နိုင်ငံက ယောကျာ်းလဲဆိုတာတော့ သေချာမမှတ်မိတော့ဘူးဗျ။ ကြာပြီ . . .ဖတ်ထားတာ ။

အဲဒီယောကျာ်းဟာ . . . .
အပျော်မယားအဖြစ် ရောင်းစားခံလိုက်ရတဲ့ အမျိုးသမီးတစ်ယောက်ရဲ့ ယောကျာ်းပါ ။

တရားဝင် လက်ထပ်ယူခြင်းမဟုတ်ပဲ
အဲဒီ အမျိုးသမီးကို သူက
ငွေနဲ့ ဝယ်ယူ သိမ်းပိုက်ပြီး မယားအဖြစ် ပြုကျင့် ဆက်ဆံတယ်ဆိုပါတော့။
မယား ဆိုပေမယ့်မယားတစ်ယောက်ရဲ့ အခြားခံစားခွင့်
ဘာမှ မပေးပါဘူး။

အဓိက သူ လိုချင်တာက အဲဒီမိန်းမရဲ့ ကုတင်ပေါ်က အနေအထားပါပဲ။ အပျော်မယားဆိုတော့
သူ့ ရဲ့ သွေးသားဆန္ဒတစ်ခု ဖြည့်ဆည်းပေးရဖို့သက်သက် အသုံးချဖို့ . . .
ငွေနဲ့ ဝယ်ထားတဲ့မယား ။

ဖြစ်ပုံက အဲဒီအမျိုးသမီးက ဒီလူရဲ့ လက်ထဲက ထွက်ပြေးတာ။
လွတ်မြောက်ဖို့ အကြိမ်ကြိမ်ကြိုးစားပြီး ထွက်ပြေးပေမယ့်
ပြေးတိုင်း ပြန်မိနေပါလေရော ။

ပြန်မိတော့ ပိုနှိပ်စက်တာပေါ့။ ဒီတော့ ပို ပြေးချင်တာပေါ့။
ဒီလိုနဲ့ တစ်နေ့ကျတော့ ထွက်ပြေးရာမှာ. . . .
ပြန်မိတယ် ။

အဲဒီတစ်ခေါက်မှာတော့ ယောကျာ်းဖြစ်သူက ဆုံးဖြတ်ချက်တစ်ခု ချလိုက်တယ် ။

ဒီလောက် ထွက်ပြေးချင်နေရင် အခု မပြေးနဲ့ ။
နင် ပြေးရင် နင့်အစား မိန်းကလေးတစ်ယောက်မွေးပေးခဲ့ပြီးမှ ထွက်သွား တဲ့ ။

အဲဒီ ဆုံးဖြတ်ချက်ကို ချလိုက်တဲ့ ယောကျာ်းဖြစ်သူကိုလည်း အံ့သြတယ် ။

လက်ခံပြီး သမီးတစ်ယောက် မွေးပေးခဲ့ပြီးမှ ထားခဲ့နိုင်တဲ့ အမျိုးသမီးကိုလည်း အံ့သြမိပါတယ် ။

—————————————

ဒီနေရာမှာ ကိုယ့်သမီးတစ်ယောက်လုံးကို ထားခဲ့ပြီး ထွက်ပြေးလွတ်မြောက်လာတဲ့ အမျိုးသမီးကို ‘ မိခင်စိတ် ‘ ဘယ်နားရောက်သွားလဲ လို့ မေးချင်တာကလွဲရင် တခြား ပြောစရာ သိပ်မရှိပါဘူး။

ဒီသမီးကလေးဟာ သူ မချစ်တဲ့ မသတီစရာ ယောကျာ်းတစ်ယောက်ရဲ့ (မလိုချင်ပဲ မွေးလိုက်ရတဲ့) သွေးဆိုတော့ နာကျည်းချက်နဲ့ စွှန့်လွှတ်နိုင်ခဲ့တာ ထင်ပါရဲ့။

ပြောချင်တာက ယောကျာ်းဆိုတဲ့ ဟိုလူရဲ့ အပိုင်းပါ ။

အဲဒီကလေးမလေးဟာ တကယ်တော့ အပျော်မယားနဲ့ ရသည်ဖြစ်ဦးတော့ . . .

သူ့ သမီးပါ။
ဘာပဲဖြစ်ဖြစ် သူ့သွေးသား သူ့သမီးပါ။

အဲဒီကလေးမလေး ကြီးလာရင် သူ ဘာလုပ်မှာလဲ။

မသင့်တော်တာတစ်ခုခု လုပ်ဖို့ ရည်ရွယ်ချက်ရှိနေပါလိမ့်မယ်။
ဆက် မတွေးရဲစရာပါ ။

အဲဒီလို ယောကျာ်းမျိုးရဲ့ စိတ်အခြေအနေကျတော့ ဆက်မတွေးရဲလောက်အောင်ကို အတ္တ ကြီးတာပါ ။

သူ ဖြစ်ချင်တဲ့ ဆန္ဒတွေအောက်မှာပဲ နစ်မြုပ်နေတဲ့ . . .
အသိဥာဏ်မဲ့ ယောကျာ်းမျိုး လို့ စွပ်စွဲသင့်ပါတယ် ။

************************

ကျွန်တော်တို့ မြန်မာနိုင်ငံမှာရော ကိုယ့်သမီးကို ပြန်ပြီးး မတော်မတရားပြုကျင့်တယ်ဆိုတဲ့ အဖေတချို့ အကြောင်း မှုခင်းသတင်းတွေ ဖတ်မိတိုင်း
ကျွန်တော်တော့ စိတ်ပျက်မိတယ် ။

ယောကျာ်းတွေထဲမှာ
အဲဒီလို ယောက်ျားစားမျိုးတွေ (တစ်ယောက်ပဲဖြစ်ဖြစ်) ရှိနေတာဟာ တခြားသော ယောကျာ်းကောင်းထုကြီး
အတွက် နစ်နာပါတယ်။

ယောကျာ်းတွေထဲမှာ အဲ့ဒီလို ယောကျာ်းတွေလည်း ရှိနေပါလားဆိုတဲ့ အသိ သိနေရတာကိုက စိတ်ပျက်စရာကောင်းလှပါတယ်။

အတွေ့ အထိ သာယာမှုနောက်
အသိဥာဏ်မဲ့စွာ အရှက်သိက္ခာမဲ့စွာ လိုက်ပါသွားတတ်တဲ့
အဲဒီလို ယောကျာ်းစားတွေကို သနားရမှာလား ။

တစ်ခဏတာလေး သာယာမယ့် ဆန္ဒအတွက်
သိက္ခာနဲ့ အလဲအထပ်
လုပ်သင့် / မလုပ်သင့် ဆိုတာလေးတောင် မတွေးနိုင်ရှာတဲ့ အတွက် သနားလိုက်ရမလား ။
ဟေ့အေးးး
ဒေါသလည်း ထွက်သင့်သေးတယ် ။

ဘာပဲဖြစ်ဖြစ်
အဲဒီလို
ဆန္ဒကို သိက္ခာနဲ့ ပက်ပက်စက်စက်အလဲအထပ်လုပ်တတ်တဲ့ ယောကျာ်းမျိုးတွေအကြောင်း မကြားလို မမြင်လို မတွေ့ လိုဘူး
အထူးသဖြင့်. . .
လွဲမှားတဲ့ ကာမအာရုံတွေ ကျူးလွန်ခြင်းကို အပြစ်ကြီးတစ်ခုအဖြစ် သတ်မှတ်ထားတဲ့ ဟောဒီတိုင်းပြည် ဟောဒီလူမျိုး ဘာသာ ဟောဒီလူမှုရေး ပတ်ဝန်းကျင်မှာ လုံးဝ မရှိသင့်တဲ့ ယောကျာ်းမျိုးတွေပါ ။

ဘာကြောင့်များ ရှိနေပါလိမ့်။

အဲဒီယောကျာ်းတွေ
အဲဒီလို ပြုမူကျင့်ကြံမိတာဟာ ဆင်ခြင်နိုင်စွမ်း မဲ့လို့လား။

အခြေအနေပေးလို့လား။

ကျွန်တော် ထင်တာတော့ ဆင်ခြင်နိုင်စွမ်းမရှိလို့ အသိဥာဏ် မဖွံ့ ဖြိုးလို့ လို့ပဲ ထင်ပါတယ် ။

(မုဒိမ်းမှုကျူးလွန်မှုတွေဟာ မြို့ကြီးတွေမှာထက် အသိဥာဏ်ကအစ အရာရာ
မဖွံ့  ဖြိုးတဲ့ ယောကျာ်းအများစု ရှိရာ တောနယ်ဘက်တွေမှာ ပိုအဖြစ်များသလား လို့ ။)

အခြေအနေပေးတိုင်း မှားရလောက်အောင် ယောကျာ်းတိုင်းကမှ
အသိဥာဏ် မမဲ့တာ။

အခြေအနေ ဘယ်လောက်ကြီး ပေးနေပါစေ . . .
ဆန္ဒတွေ ဘယ်လောက်ပဲ ပြင်းပြနေပါစေ. . .
မဖြစ်သင့်တာကြီး ဖြစ်မသွားဖို့တော့ ထိန်းချုပ်နိုင်စွမ်း ရှိရမှာပေါ့။
အဲ့ဒါမှ ယောကျာ်းလေ ။

ယောကျာ်းပီသခြင်းဆိုတဲ့ အရည်အချင်းသတ်မှတ်ချက်ထဲ အသိဥာဏ်ရှိရှိ ထိန်းချုပ်နိုင်စွမ်းရှိခြင်း ဆိုတဲ့ အချက်ကို ထည့်ထားရပါမယ်။

ကျွန်တော်တို့ ယောကျာ်းတွေ. . .
ကိုယ်ကျင့်သိက္ခာအတွက်ပါ။

************************

လေးစားစွာဖြင့်

အလင်းဆက်(Gazette)

4 . 5 . 2014 / 11 : 25 AM

မရမ်းကုန်း