အဲဒီကောင်မလေးပေါ့.... (အဲဒီကောင်လေးပေါ့ ရဲ့ အဆက်)





===================================================
သနပ်ခါးလေး လိမ်းပြီးတော့
ဆံပင် ရှည်ရှည်ကို
ဆံထုံးလေး ထုံးလိုက်သည်။

ဆံထုံး ထုံးရင်းဖြင့်
သီတာ. . .ကိုမြို့ကြီးသားအကြောင်း
တွေး လိုက်မိသေးသည်။

သီတာ့ကို အလွန်ချစ်ခင် စွဲလမ်း သည့် ဟန်ဖြင့် တယုတယ ရှိလှပါသော
ထို မြို့ ကြီးသား ။

သီတာ့ကို တကယ် ချစ်မြတ်နိုးတာမှ ဟုတ်ပါလေစ ဟု သံသယ မဝင်ရက်လောက်အောင်ကို
သူ့ ပုံစံက ရိုးသားဖြူစင်နေသည် မဟုတ်လား။

မြို့ကြီးသား. . . မာယာများပြီး
သီတာ့လို တောသူမရိုးရိုးအအကို
ချစ်တမ်း လာကစားတာတော့ မဖြစ်ပါစေနဲ့ လို့ . . .
မနေ့ကမိဗုံတို့နဲ့ ရွာဥင်္ီးစေတီ မှာ ဘုရားရှိခိုးရင်း ဆုတောင်းထားပါရဲ့ ။

အဲဒီ မြို့ကြီးသား ကိုလင်း နဲ့ သီတာ . . .အခုလို သမီးရည်းစား အဖြစ်
ရင်တခုန်ခုန် အခြေအနေရောက်အောင် မိဗုံတို့ ပဲ တွန်းပို့ ခဲ့တာပေါ့။

အင်းးး
မိဗုံတို့ အောင်သွယ်ကောင်းတာနဲ့ပဲ . . . မြို့ကြီးသားတစ်ယောက်ကို
ချစ်မိတဲ့ တောသူမ တစ်ယောက် အလွမ်းအဆွေးတွေနဲ့ ကျန်ရစ်ခဲ့ရမှာတော့
စိုးမိပါရဲ့ ။

မြိူ့ကြီးသားရဲ့ နူးညံ့ ညင်သာတဲ့
စကားချိုချို တွေ . . .
ရင်တလှပ်လှပ် ခုန်စေတဲ့
မထိတထိ အထိအတွေ့ တွေ ကြောင့် ဘယ်ယောကျာ်း တစ်ယောက်နဲ့မှ ရင်းရင်းနှီးနှီး မနေဖူးခဲ့တဲ့ သီတာ. . .
ဒီလို အချိန်လေးတွေ ပျောက်ပျက်မသွားချင်တော့။

အမြဲတမ်းသာ . . ..
တွေ့ နေချင်ရဲ့ မြို့ ကြီးသား ရယ် ။

မြို့ကြီးသား ကိုလင်းက . . . .
ဘကြီးပေါက် ရဲ့ တူတော်မောင်။

ရန်ကုန်မှာ မွေး ရန်ကုန်မှာ ကြီးပြီး
အခုမှ ဘကြီးပေါက် ဆီမှာ
လာနေတာ တစ်နှစ်နီးပါးတောင် ရှိပါပေါ့။
—————-

ဟိုတလောက မိဗုံတို့  မိလုံ တို့ နဲ့ ရေခပ်ဆင်းတော့ . . . .

ကိုလင်းနဲ့ ရွာထဲက ကာလသား ကိုရွှေတိုက်
ရေချိုး အပြီး ပြန်မလို့ ပြင်နေတာနဲ့သွားကြုံတာ။

မိဗုံက တော်တော် ကဲတယ်။

” ဟဲ့ သီတာမ . . .
နင့်လူကြီး ကိုလင်းက
နေထက်လင်းနဲ့ တူတယ်ဟဲ့။ အသားကလည်း ဝါဝင်းပြီး
ဗလကလည်း တောင့်ပါ့တော်။ နင်မြန်မြန်သာ ပြန်ကြိုက်လိုက်ပါအေ . . .”

အဲဒီလိုပြောလို့ ကြားသွားရင် အခက်ဆိုပြီး မိဗုံ ခါးကို တောင် ဆွဲလိမ်ခဲ့ရသေး။

သီတာတို့ ရေလာခပ်တာ မြင်တော့ ကိုလင်းတို့က မပြန်သေးပဲ
ရေအိုးထဲ ရေတွေ ကူဖြည့်ပေးရော ။

မိဗုံနဲ့ မိလုံ ကလည်း ခပ်စပ်စုစု ဆိုတော့ ကိုလင်းကို စကားရောဖောရောနဲ့ ပွဲကျနေတော့တာ။

သီတာကတော့ ရှက်ကိုးရှက်ကန်း ဖြစ်နေလို့  ဘာမှ ဝင်ပြောဖြစ်ဘူး ။

မိဗုံက . . .

” ကိုလင်းကြီး. . . မြို့  ဘယ်တော့ ပြန်မလဲ တော့်” လို့ မေးလိုက်တော့. . .

” မြို့ကို မပြန်တော့ပါဘူးဗျာ ။ ဒီရွာသူလေးတစ်ယောက်ကို ယူပြီးဒီရွာသားအဖြစ်ပဲ နေတော့မှာ . . .” တဲ့။

ရိုးရိုး ပြောတာ မဟုတ်ဘူးတော့် ။ သီတာ့ကို ပြုံးစိစိလေး ကြည့်ပြီး ပြောတာ ။

သီတာဖြင့် ရင်တုန်ပန်းတုန်ဖြစ်လာလို့ 
ခေါင်းကိုငုံ့ ချပြီး စပ်စုတဲ့ မိဗုံကိုသာ စိတ်ကနေ ဆဲနေမိရော။

မိဗုံတို့ အလှော်အခတ်ကောင်းတာရော သီတာ ကိုယ်တိုင်ကလည်း ထိမ်းမနိုင်သိမ်းမရ ရင်ခုန်တာရော . . .
ကိုလင်းကိုယ်တိုင်ကလည်း ချစ်ခင်မက်မောစရာ ယောကျာ်းတစ်ယောက် ဖြစ်နေတာကြောင့်ရော ပေါ့။ သမီးရည်းစား ဆိုတဲ့ အခြေအနေဆီကို ခပ်သုတ်သုတ်လေး ရောက်သွားတာပေါ့ ။
———————–

ဒီနေ့  ညနေ . . . .
ရွာထိပ်က ခရေပင်ကြီးအောက်မှာ ချိန်းတွေ့ကြမည် ။

ချစ်ရသူ ကိုလင်းနဲ့ 
တွေ့ ရဖို့ . . .
ကိုလင်းရဲ့ ရင်ခွင်မှာ မှီတွယ်ခိုနားခွင့်ရဖို့ . . အတွေးထဲမှာပင် ရင်ခုန်ကြည်နူးနေမိပြီ ။
———————–

ကိုလင်း က မြန်မာဆန်ဆန် တောသူအလှ ရိုးရိုးရှင်းရှင်းလေးကိုမှ မြတ်နိုးတာ . . .တဲ့။

(ဒါပေမယ့် ကိုလင်းကိုယ်တိုင်ကတော့ . . .မြန်မာဝတ်စုံ တိုက်ပုံနဲ့ ပုဆိုးကိုတောင် ကောင်းကောင်း မဝတ်တတ် ။)

ကိုလင်းသည် . . ဂျင်းဘောင်းဘီ နှင့် ရှပ်အကျီ င်္လက်ရှည်ကို လက်ခေါက်ဝတ်ထားသော ဝတ်စုံများသာ အဝတ်များသည်။

သူ ဝတ်စားဆင်ယင်ပုံက ခေတ်ဆန်သော်လည်း
သူကြိုက်သော သီချင်းများမှာ ရှေးမြန်မာသီချင်းကြီးများဖြစ်နေသည်။

သူကြိုက်သည့် အဝတ်အစားများမှာလည်း ရှေးမြန်မာဝတ်စုံများ . . . ပါ တဲ့ ။

အင်းလေ . . .
သီတာဖြင့် . . ယောကျာ်းတစ်ယောက်အကြောင်း ကောင်းကောင်း မသိသေးပါဘူး ။
———————–

ဒီနေ့ ညနေ ကိုလင်း နဲ့တွေ့ ဖို့  မြန်မာဆန်ဆန်လေး ပြင်ဆင်လိုက်သည်။

အပြာနုနုအောက်ခံပေါ်မှာ ပန်းပွင့်အဖြူရောင် သေးသေးနုတ်နုတ်လေးတွေ
ခပ်ကျဲကျဲ ပါသော ရင်ဖုံးအကျီ င်္ကို
နက်ပြာရောင် လုံချည်ကလေးနှင့်
တွဲ ဝတ်လိုက်သည်။

ပုံတော်ဖိနပ် အနက်ရောင်လေး ကို စီးပြီး ကျော့ကျော့လေး ထွက်လာသော သီတာ့ကို . . . .
အရီးလတ်က မေးတော့သည်။

”မိသီတာ . . အလှအပတွေ ပြင် လို့ . . . ဒါကဘယ်တုန်း ”

” မိဗုံတို့ နဲ့ ရွာဦးစေတီကို သွားမလို့ပါ အရီးလတ် ”

ပြောသာပြောရတာ ။
သီတာ စိတ်မလုံပါ။

အရီးလတ်ဆိုတာ သီတာ့ အဖေနဲ့အမေ ဆုံးပါးသွားချိန်ကတည်းက သီတာ့ကို သမီးရင်းလေးလို စောင့်ရှောက်ခဲ့သူ အဖေရဲ့ ညီမ ဖြစ်သည်လေ ။

အပျိုကြီးပီပီ တူမလေး ကို တအားချစ် တအားအလိုလိုက်သည်။

အခုလည်း
သီတာ ညာပြောတာကို ယုံပြီး
ပြုံးပြုံးကြီး ကျန်ခဲ့ပြီ ။

သီတာ . . . ခြံရှေ့က ဆွဲနှုတ်လာသော မြက်ပင်ရိုးကလေးကို ဟိုရမ်းဒီရမ်းပြီး သီချင်းကလေးညည်းကာ ညည်းကာ နဲ့ မြူးမြူးကြွကြွ လျှောက်လာသည်။

ကိုလင်းဆီ. . . .သို့ . . . . .

———————-

ရွာထိပ်က ခရေပင်ကြီးအောက်မှာ ကိုလင်းရောက်နေပြီလား။

သီတာ့အတွက်များ
ခရေပန်းအကြွေတွေ ကောက်ပေးထားလေမလား။

ခရေပန်း အကြွေတွေ မကောက်ပဲ အပင်ပေါ်များ တက်ခူးနေလေမလားးး။

အို . . . . ခရေပင်ပေါ်တက်ခူးမှာကိုတော့ စိတ်ပူပါသည်။

မြို့ကြီးသား ဆိုတော့
အပင်တွေပေါ်တက် တတ်မှာ မဟုတ်ဘူး။

မတော်တဆ ပြုတ်များကျရင် ကျိုးရပဲ့ရချည်ရဲ့ ။

အဲဒီ ခရေပင်ကြီးကလည်း မြင့်ပါဘိသနဲ့။

အတွေးနဲ့အတူ သီတာ့စိတ်တွေ လေးပင်သွားသည်။
ကြက်သီးလည်းဖြန်းခနဲ ထသွားသည်။

ရင်ထဲမှာ တမျိုးကြီးဖြစ်လာသည်။
အတွေး က မရှင်းး။

အနောက်မှာ တစ်ယောက်ယောက်လိုက်လာသလိုလို တစ်စုံတစ်ခုက စူးစူးရဲရဲကြည့်နေသလိုလို အာရုံခံစားမှုတစ်ခု . . . ။

ဖျတ်ခနဲ လှည့်ကြည့်လိုက်တော့လည်း ဘာမှ မရှိ။

ဆိုးဝါးတာတစ်ခုခု . . . .
ဖြစ်တော့မှာကို ကြိုခံစားမိနေသလိုပဲ ။

စိတ် ထင်လို့နေမှာပါပဲလေ ဆိုပြီး ဆက်အလျှောက်မှာ . . . .
ခြေထောက်က တစ်စုံတစ်ခုနဲ့ ဒုတ်ခနဲတိုက်သည်။

ခြေထောက်တစ်ဖက် ခြေမလေးအတော်နာသွားသည် ။

ခလုတ် တိုက်သည့်အရှိန်ဖြင့် သီတာ ယိုင်လဲကျမလို အဖြစ်မှာ . . . . .
လက်ကြီးတစ်ဖက်က လှမ်းဆွဲလာသည်။

နှာခေါင်းထဲ ချဉ်စူးစူးအနံ့ များ ရလိုက်သည်။

သီတာ. . . လှမ်းဆွဲလိုက်သည့်လက်ပိုင်ရှင်ကို မော့ကြည့်လိုက်တော့ တုန်ခနဲဖြစ်သွားသည်။

ကိုဂီ ။

ထုံးစံအတိုင်း မူးရူးနေသည့်ပုံ ။
ပြီတီတီမျက်နှာကြီးက အဆီပြန်ပြီး အော်ဂလီ ဆန်ချင်စရာ ။

” သာဂိ ”ဆိုသော နာမည်ကနေ
ဂီ လို့ တောင် ပြင်ခေါ်ထားကြရသည့်
သူ့ ကိုသူ ဂိကလေ ဂိကလေ ဟု ပြောပေမယ့် ထန်းရည်မူးနေသော အာလေးလျှာလေး လေသံဖြင့် ဂီကလေ ဖြစ်ဖြစ်နေသော အသံ. . . . . .

” မသီဒါ. . . ဘယ်သွားးးးးမလို့လဲဟ. . . . အေ့ . . . . . ဂီ လိုက်ခဲ့မယ်လေ. . . .”

ပြောပြောဆိုဆို နဲ့သီတာ့လက်ကို အတင်းဆွဲတော့သည်။

” ကိုဂီ ဖယ်စမ်း ။ ရှင်ကြီး မူးနေရင် ကိုယ့်လမ်းကိုယ် အေးအေးသွားပါတော့်။ ကျုပ်ကို မနှောင့်ယှက်ပါနဲ့ ”

သီတာ ခပ်ကြမ်းကြမ်းအော် ငေါက်ရင်း အတင်းရုန်းလေ ကိုဂီက ပိုတင်းတင်း ဆွဲခေါ်လေ ဖြစ်လာသည်။

” သီတာ့ကို ဂီချစ်နေတာကြာပြီ. . .ဂီ့ကိုလည်းပြန်ချစ်ပါ သီတာရဲ့ . . . . ”

ကိုဂီက မူးမူးရူးရူးနဲ့ တောတန်းဘက် အတင်းဆွဲခေါ် . . . .
သီတာက အတင်းရုန်း. . .

သူတို့နှစ်ယောက် ရုန်းရင်းဆန်ခတ်ဖြစ်နေတာကို ဘယ်သူမှလည်း မတွေ့နိုင်လောက်အောင် လူသူပြတ်သည့်နေရာမှာ ဖြစ်နေသည်။

ဗီဒီယိုဇာတ်ကားတွေထဲကလို ကယ်တင်မယ့် မင်းသားများ ပေါ်လာမလားဟု
သီတာ မျှော်လင့်သော်လည်း
ဘယ်သူမှ ရောက်မလာ ။

သီတာ ရင်တုန်ပန်းတုန်ဖြစ်လာသည်။

ယောကျာ်းအားကို မိန်းမနုနုနယ်နယ်
အားလေးဖြင့် ဘယ်လိုမှ ရုန်းကန်လို့မရ။

ကိုဂီ ရဲ့ ကြမ်းကြမ်း ရမ်းရမ်း ဆွဲခေါ်မှုနောက် . . . .
တရွတ်တိုက်မတတ် ပါသွားရသည် ။
———————–

သီတာ့ကို ကိုဂီက လူသူအရောက်အပေါက်မရှိသလောက်
ဖြစ်သော သရက်ပင်အုပ်အုပ်ဆိုင်းဆိုင်းတွေ အနောက်အတင်းဆွဲခေါ်လျက်ရှိသည်။

သရက်ပင်တန်း ခပ်အုပ်အုပ် သစ်ပင်တွေအောက်
ရောက်သော အခါ. . . . . . .
. . . .
. . . .

သီတာ့ကို . . . . .
ထန်းရည် မူး နေသော ကိုဂီက. . . .
အလိုမတူပဲ . . . .
. . . . . . . . . . . . . .

————————–

ကြမ်းတမ်းသော ယောကျာ်းတစ်ယောက်ရဲ့ ကာမဆန္ဒ အောက် ရုန်းကန်၍ မရပဲ အရှုံးပေးခဲ့ရသည် ။

သီတာ ငိုသည် ။

အတိုင်းမသိ ငိုသည်။

ပူလောင်သည်။

သီတာ့ အပျိုစင်ဘဝ
မရှုမလှ ဆုံးရှုံးပြီလေ။

ချစ်သော ကိုလင်းကို ဤမသန့်ရှင်းတော့သော ကိုယ်ဖြင့် ဆက်ချစ်နေရမည်လားးး
ဆက် အချစ်ခံသင့်ပါသေးသလားးး

သီတာ့ရင်ထဲ ဗြောင်းဆန်နေပြီ။

ဘာ ဆက်လုပ်ရမလဲ ။

သီတာ့ ငိုကြွေးသံများ အဆက်မပြတ်. . .။
ဘာ ဆက်လုပ်ရမလဲ ။

သီတာ့ သွေးရူးသွေးတန်းဖြစ်လာသည်။

ချစ်သော ကိုလင်းးးး
ခရေပင်ကြီးအောက်မှာ . . . .
စောင့်နေတော့မည်။

ကိုလင်းဆီ အပြေးကလေးသွားလိုက်ချင်သည်။

ဒါပေမယ့် ဒီခန္ဓာကိုယ်နှင့်မဟုတ် ။

ဒီလို မသန့်ရှင်းတော့သော ကိုယ်ဖြင့် ကိုလင်းဆီ ဘယ်လို သွားရဲပါ့မလဲ။

ကိုလင်း ရင်ခွင်ထဲခိုဝင်ဖို့ရာ သီတာ လိပ်ပြာမလုံတော့ . . . .။

ချစ်သူနဲ့ ပျော်ပျော်ရွှင်ရွှင် ပေါင်းဖက်နိုင်ဖို့ သီတာဘက်က လိပ်ပြာမလုံတော့. . .။

ချစ်သောကိုလင်းအတွက်
သန့်ရှင်းသော ဘဝလေး မှ မပေးနိုင်တော့သော သီတာ. . .. . .ကိုယ့်ဘဝ အဖြစ်အပျက်တွေကို ပြန်တွေးရင်း . . .
ပူလောင်ပြင်းပြစွာ ငိုကြွေးမိသည်။

ဆိုးဝါးရက်စက်မှုကို
အလိုမတူ အနိုင်ကျင့်ခံလိုက်ရသော မိမိအဖြစ်သည် အဆုံးစွန်ထိ နာကျင်ကြေကွဲစရာပဲ မဟုတ်လား။

ဒီလို အဖြစ်မျိုး. . . ဒီလို ပုံစံမျိုးနဲ့ ချစ်ရသော ကိုလင်း ရင်ခွင်မှာလည်း မခိုဝင်ချင်တော့ ။

ဒီလို အဖြစ်ဆိုးလှသော
ဘဝ အခြေအနေမျိုးဖြစ်လာပြီးမှ ရှေ့လျှောက်လည်း ဘယ်လိုမှ သာယာလှပနိုင်မှာမဟုတ် ။

အရှက်တကွဲ အကျိုးနည်း ဖြစ်ပြီး လူတကာရဲ့ တံတွေးပေါ်မှာ ပက်လက်မျောရတော့မယ့် ဘဝကို လည်း ရှေ့ မဆက်ချင်တော့. . . ။

ဘာလုပ်ရမလဲ ??????????

ဘာလုပ်ရမှန်းမသိ သွေးရူးသွေးတန်းသာ ပြေးထွက်ခဲ့သည် ။

ပြေးရင်းလွှားရင်းဖြင့် ချောင်းစပ် ကို ရောက်သည်။

ချောင်းစပ်မှာ. . .
ကြိုးချည် ရပ်ထားသော လှေငယ်လေးတစ်စင်းတွေ့ သည်။

ဘာမှ စဉ်းစားမနေတော့ပါ။

ချည်ထားသော ကြိုးကို ဖြုတ်၍ ချောင်းရိုးအတိုင်း လှော်သည်။

သွေးရူးသွေးတန်းမို့ လှေ ကလည်း ဟိုရမ်းဒီရမ်း ရမ်းခါလျက်
တရွေ့ ရွေ့  မျောနေသည် ။

ရေနက်ပိုင်း ရောက်သောအခါ . . . .

ဘာတစ်ခု ထပ်စဉ်းစားမနေတော့ပဲ ပူပင်သောက နှင့် ငိုကြွေးခြင်းကို အဖော်ပြုကာ
ရေထဲ. . . . .
ဗွမ်းခနဲ . . ..
ခုန်ချ. . . . .
ကျဆင်းးးး
နစ်မြုပ်. . . . .

မျက်ရည်နှင့် ချောင်းရေ . . .ရောသွားးးး

ပါးစပ်ထဲ နှာခေါင်းထဲ
ဇွတ်တိုးဝင်လာသော ရေများ . . . .
ထိန်းမနိုင်သိမ်းမရ နင့်သီးးးးး

အသက်ရှူရခက်ခဲလွန်းမက ခက်ခဲ. . .

မွန်းကျပ် . . .

ဆို့နင့်. . . .

ရင်ဘက်ထဲ. . .မှာ. . . .
မျက်နှာနှင့် ခေါင်းထဲမှာ . . . ပေါက်ကွဲထွက်မတတ် ပိတ်ဆို့  . . .နစ်မွန်းးးးးးးးးးးးးးးးးးးးးး

အာရုံထဲမှာ ပြာခနဲ ဖြစ်သွားခြင်းရဲ့  အဆုံးမှာ. . . . . . .
ဘာဆိုဘာမှ မသိတော့. . . . .

မှောင် မိုက်ခြင်းးးးးးးးးးး

အမှောင်ထု. . . . . . . . .

. . . . .

. . . . .

. . . . .

********************************

အဲဒီကောင်မလေးပေါ့. . .
ကံကြမ္မာဆိုး . . .လက်သည်းချွန်တွေရဲ့
ကုတ်ဆွဲ ခံခဲ့ရတာ. . . . .

အဲဒီကောင်မလေးပေါ့. . .
မိုးတိမ်မည်းကြီးရဲ့ ရင်ခွင်မှာ
အလိုမတူပဲ မွန်းကျပ်ခဲ့ရတာ. . .

အဲဒီကောင်မလေးပေါ့ . . . .
အဆုံးသတ်မလှတဲ့ ဇာတ်လမ်းထဲမှာမှ
ခေါင်းဆောင်မင်းသမီးဖြစ်ခဲ့တာ. . .

အဲဒီကောင်မလေးပေါ့. . . .
အချစ်သစ်သီးရဲ့ ချိုမြိန်မှုအစား
ရူးသွပ်စေတဲ့မာယာကို စားသုံးခဲ့ရတာ. . .

အဲဒီကောင်မလေးပေါ့. . . .
သူချစ်တဲ့ကောင်လေးရဲ့ အဖြစ်ဆိုးကိုလည်း
သိတောင် မသိလိုက်တာ. . .

အဲဒီကောင်မလေးပေါ့. . .
ငိုကြွေးခြင်းနဲ့ မွန်းကျပ်ပူလောင်မှုကို
ဝတ်ရုံလို ခြုံခဲ့ရတာ. . .

အဲဒီကောင်မလေးပေါ့. . .
မိုးချုပ် အိမ်ပြန်
ချစ်သူခူးပေးမယ့် ခရေတွေပန်ပြီးး
ငြိမ်းချမ်းစွာ အိမ်ပြန်ခွင့် . . .မရခဲ့တာ . . .

အဲဒီကောင်မလေးပေါ့. . .
သူ့ ချစ်သူရဲ့ ခရေပွင့်တွေ. . .
သွေးစွန်းသွားမှန်းးး သိတောင်မသိလိုက်တာ. . .

အဲဒီကောင်မလေးပေါ့. . . .

. . . . . .

. . . . . .

. . . . .. .

. . . . . . .

. . . . . . .
. . . . . . .
**********************************

တစ်ခါတုန်းကပေါ့. . .

ကောင်မလေးတစ်ယောက်အတွက် . . .
ခရေပန်းတက်ခူးပေးတဲ့ကောင်လေးးးး
ခရေပင်ပေါ်က ပြုတ်ကျပြီးးး
အသက်ပျောက်သွားခဲ့ဖူးတယ်။

အဲဒီ အချိန်မှာပဲ
တိုက်ဆိုင်စွာနဲ့. . .
ချောင်းရိုးထဲမှာ . . .
လှော်ခတ်သူလည်း မရှိတော့တဲ့ လှေငယ်လေးတစ်စင်းးးး
ဦးတည်ရာမဲ့ မျောနေခဲ့တယ် . . .

ချောင်းရေပြင်ထုရဲ့ အောက်မှာတော့. . .
ချစ်တဲ့ကောင်လေး. . .
ဘာတွေ ဖြစ်သွားမှန်းတောင်မသိလိုက်တဲ့
ကောင်မလေးတစ်ယောက်. . .

ရွာထိပ်က ခရေပင်ကြီးအောက်မှာလည်းးးး
သွေးစွန်းနေတဲ့ ခရေပန်းပွင့်လေးတွေ. . .
. . . . . . . .
. . . . . . . .

********************************

((( အရင် ဝတ္ထုတိုတစ်ပုဒ် တင်ဖူးတာ မှတ်မိကြမှာပါနော် ။ အဲဒီကောင်လေးပေါ့ ဆိုတဲ့ ဝတ္ထုလေး လေ။
အဲဒီကောင်လေး က ခရေပင်ပေါ်က ပြုတ်ကျသွားတဲ့ ကောင်လေးတစ်ယောက်ရဲ့ နေရာက ရေးထားတာပါ။
အခု အဲဒီကောင်လေး ခရေပင်အောက်မှာ စောင့်နေတဲ့ သူ့ ချစ်သူကောင်မလေး ခရေပင်အောက်ကိုအလာ . . . ဖြစ်ပျက်သွားတဲ့  ဘက်ကနေ ပြန်ရေးကြည့်တာပါ။

တွဲဆက် ဖတ်ကြည့်စေချင်ပါတယ်နော်။

နောက်တစ်ချက် ပြောချင်တာက. .
အရင် ဝတ္ထု အဲဒီကောင်လေးပေါ့ ထဲက ဇာတ်ကောင် ကောင်မလေး နာမည်က
” နှင်း ”ပါ။
တိုက်ဆိုင်စွာပဲ . . . ဦးကျောက်စ်ရဲ့ နှင်းးနဲ့ နာမည်တူနေလေတော့. . . ကျွန်တော် ရေးတဲ့ ဇာတ်ကလည်း ဇာတ်နာဖြစ်နေလေတော့ အားနာပြီးးးး
နှင်း ဆိုတဲ့ နာမည်ကို ပြောင်းလိုက်ပါတယ်။
သီတာ. . . .လို့ ။

ဒီထဲက သီတာ နဲ့  ဟိုထဲက နှင်း အတူတူသာဖြစ်ပြီးး
ဦးကျောက်စ်ရဲ့ နှင်းနဲ့ မည်သို့မည်ပုံမှ မသက်ဆိုင်ပါကြောင်းးးး

:)

ကျွန်တော့် စိတ်ကူးယဉ် ဝတ္ထုများသာ ဖြစ်ပါကြောင်းးးး
ဤဝတ္ထုလို ဇာတ်လမ်းမျိုးက အပြင်မှာ ပုံစံတူ ရှိဖို့  မဖြစ်နိုင်သောကြောင့် စိတ်ကူးယဉ်ဇာတ်လမ်း ဆိုသည်မှာ ရှင်းပြစရာပင် မလိုလောက်ပါကြောင်းးးး

:kwi:


*******************************

လေးစားစွာဖြင့်

အလင်းဆက်

3 . 10 . 2013 .

Comments

Popular posts from this blog

မုဒြာရဲ့ခေါ်သံကို ခံစား ဝေဖန်ခြင်း

ဝမ်တိန်အသွားလမ်းကို ခံစား၊ ဝေဖန်ခြင်း (စာပေဆောင်းပါး)

“ဂျူးရဲ့ ရသခြုံလွှာကို ခံစား၊ဝေဖန်ခြင်း”