“သိကြားမင်း၏ခွေးသားရေစာမျက်နှာ´´
အခုခေတ် သင်္ကြန်ပွဲဆီကို . . .
ဒီသိကြားမင်း အနေနဲ့
ဘာကိုမှ. . .စီးပြီးဆင်းမလာချင်တော့ပါဘူး။
ယဉ်ကျေးသိမ်မွေ့ မှုတွေ ပျောက်ဆုံးလာပြီ ဖြစ်တဲ့. . . ဒီခေတ်သင်္ကြန်ပွဲတွေရဲ့ အကြမ်းဆန်မှုကြား. . . သိကြားမင်းလည်း အနားကပ်လာချင်စိတ် မရှိ ။
ပြီးတော့ . . . .
အစဉ်အလာ ပျက်စီးယိုယွင်းနေတဲ့ ပွဲတော်ခါးခါးကြီးနဲ့ပက်သက်ပြီး အစဉ်အလာအရ. . .သိကြားမင်းရဲ့ ခွေးသားရေ စာမျက်နှာထက် မှတ်ရမယ့်အရာတွေကလည်း များနေတာမို့ . . .စာမျက်နှာတောင် . . .ဆံ့လိမ့်မယ် မထင်. . .
ဒါကြောင့် . . . .
ဒီသိကြားမင်း ဒီနေ့ခေတ်သင်္ကြန်ပွဲတွေရဲ့ မြင်ကွင်းကို . . .
မှတ်စုတစ်ပုဒ်သာ . . . ချရေးကြည့်မိပါတော့တယ် ။
_____________
{{{သိကြားမင်း၏ ခွေးသားရေမှတ်စု }}}
မြန်မာ့ရိုးရာ ပွဲတော်သင်္ကြန်အကြောင်းကို အက်ဆေးတစ်ပုဒ် ရေးကြည့်ဖို့ ကြိုးစားလိုက်တိုင်း အဆိုးမြင်ရှုထောင့်ဘက်က ရေးဖြစ်သွားတာ . . .
ကျွန်တော် ကိုယ်တိုင်ကပဲ အဆိုးမြင်သမားဖြစ်နေလို့လား...
မြင်ရသမျှကပဲ အဆိုးဘက်ကို တကယ်ရောက်နေလို့လား. . .
ဒါက သေချာစဉ်းစားစရာကိစ္စ ဖြစ်ပါသည် ။
တကယ်တော့ ဒီလူမျိုးတွေအားလုံး … …
ပါဝင် ဆင်နွှဲကြသော အထင်ကရရိုးရာပွဲတော်ကြီး
အကြောင်း . . . .
အကောင်းသာ ရေးချင်ပါသည် ။
အပြုသဘောဆောင်သော အမြင်များဖြင့်သာ မြင်တွေး ရေးချင်ပါသည် ။
ဒါပေမယ့် ဒီဘက်ခေတ်ရဲ့ သင်္ကြန်ပွဲတော်တွေဟာ မတော်တရော် ပုံရိပ်တွေနဲ့. . .''အပျော် ''ကနေ
'' အပျက် '' ဘက်ကို
ပို ရောက်နေသလားလို့. . .
နူးညံ့ညင်သာသော . . .
ယဉ်ကျေးသိမ်မွေ့ သော. . .
ရည်ရွယ်ချက်မြင့်မြတ်သော. . .ဆင်နွှဲမှု ဟန်ပန်များမှသည်. . .
ကြမ်းတမ်းသော. . .ယဉ်ကျေးသိမ်မွေ့ မှု ကင်းမဲ့သော အပျော်ကြူးမှု ဟန်ပန်များဆီသို့ . . .ပြောင်းလဲနေပြီဟု ကျွန်တော်မြင်ပါသည်။
ကျွန်တော် သိသလောက်တော့ သင်္ကြန်ပွဲတော်နေ့ရောက်တိုင်း မြန်မာလူမျိုးတို့ ရေ ကစားခြင်း /
အလှူအတန်းပြုလုပ်ခြင်း / တရားဘာဝနာ ပွါးများခြင်းနှင့် ကုသိုလ်ယူခြင်း. . .စသော ငြိမ်းချမ်းသည့်အမှုကိစ္စများကို ခမ်းခမ်းနားနား ပြုလုပ်ကြသည်။
အစဉ်အလာခိုင်မြဲခဲ့၍ ပျော်စရာလည်းကောင်းသော ရင်ခုန်ကြည်နူးစရာ ရိုးရာဓလေ့ပွဲတော်တစ်ခု အဖြစ် ရပ်တည်ခဲ့သည် ။
ရှေ့ခေတ်များဆီက သင်္ကြန်ပွဲတော်တွင် ရေကစားခြင်းသည်. . .တစ်ဦးကိုတစ်ဦး ချစ်ခင်စွာဖြင့်
အေးချမ်းပါစေတော့. . .
နှစ်ဟောင်းကအညစ်အကြေးများ
နှစ်သစ်ကို မပါခဲ့ပဲ စင်ကြယ်ပါစေတော့ ဟူသော စိတ် စေတနာများကို အဓိကထားကာ ပက်ဖျန်းကြသည် ။
ငွေဖလားထဲတွင် နံ့သာအမွှေးများထည့်၍ သပြေခက်ကလေးများဖြင့် သိမ်မွေ့ ယဉ်ကျေးစွာ ပက်ခြင်းလည်း ဖြစ်သည် ။
အင်မတန်ချစ်စရာကောင်းသော အမူအယာများဖြစ်ပါသည် ။
တစ်ယောက်က ရေလောင်းလျှင် ရေလောင်းခံယူသူက ငြိမ်ငြိမ်ကလေး ပြုံး၍နေသည် ။ ပြီးလျှင် တလှည့်တဖန် ပြန်လောင်းသည် ။
နာကျင်စေဖို့ ရည်ရွယ်ချက်မရှိ /
ကြည်နူးရွှင်လန်းစရာ မြင်ကွင်းများကိုသာ ငြိမ်းငြိမ်းချမ်းချမ်း မြင်ခဲ့ကြသည်။
ယခုခေတ် သင်္ကြန် ရေကစားနည်းကတော့ အင်မတန်မှ ကြမ်းတမ်းလာသည်။
မဏ္ဍပ်တွေပေါ်မှ ရေပက်သူတို့က မီးသတ်ပိုက်လို ပိုက် အကြီး/အသေးများနှင့် ရေအားကို ပြင်းပြင်းထန်ထန်သုံး၍ ပက်သည် ။
ရေပက်ခံထွက်လာသူတို့ကို မျက်လုံးမျက်နှာ မရှောင် ထိုးပက်ကြသည် ။ ရေပက်ခံရသူတို့အတွက် အသားကို အပ်နှင့်ဆွသလို နာကျင်စူးရှ အသားများ နီစပ် နာကျင်ခံရခက်ပါသည် ။
(ရေရှားပါးလာသော ဤခေတ်အခါတွင် ရေကို ပိုကုန်အောင် ဖြုန်းတီးရာလည်းရောက်သည်။)
များသောအားဖြင့်. . .
ရေခဲတုံးကြီးတွေ ထည့် စိမ်ထားသော အလွန်အေးစက်သည့်ရေများဖြင့်ပက်ကြသည်။ ရေပက်ခံလိုက်ရသူတို့က. . .
အားးးးးအေးးလိုက်တာ ဟု ချမ်းရှာလွန်းလို့ အော်လျှင် ပက်သူတွေက ပျော်နေတတ်ပြီ ။
စာနာမှု တရားတို့  တဖြည်းဖြည်း ပျောက်ဆုံးသွားသလိုပင်. . .
ရပ်ကွက်အတွင်းမှ ကလေးများ လူငယ်များး၏ ရေကစားပုံ ကြမ်းတမ်းမှုကလည်း စိတ်ပျက်စရာ ဖြစ်လာသည် ။
နို့ဆီခွက်ထဲ ရေထည့်ပြီး လမ်းသွားလမ်းလာတွေကို နာသည်ထက် နာအောင် ခွက်စောင်းခုတ်သည် ။ ရေပက်ခံရသူတို့၏ ကျောကုန်းကို သေချာ ချိန်ရွယ်ပြီး လက်သံအပြောင်ဆုံးဖြစ်အောင် အားထုတ်၍ ပက်သည် ။
ကျောကုန်းနှင့်နို့ဆီခွက်ထဲမှ ရေ အရှိန်နှင့် ထိလိုက်သံ ဖြောင်းခနဲမြည်ပြီး အပက်ခံရသူက နာလွန်းသဖြင့် အားခနဲအော်ရ . . .
ကျောကော့သွားထဲအထိ နာကျင် ခံစားသွားလျှင် ပက်သူက ကျေနပ်သည် ။
ယဉ်ကျေးမှုကို ရက်စက်စွာ ဖော်ထုတ်လိုက်ခြင်းများလား ။
တချို့ က မျက်နှာတွေ ဘာတွေ မရှောင်ပဲ ရေကို အားနဲ့ တမင်လွှဲပက်သည် ။
မျက်နှာကို တအားမပက်နဲ့လေ ဟု အော်ဟစ်တားဆီးရင်းကပဲ ရေပက်သူနဲ့ အပက်ခံရသူတို့ ရန်ပွဲတွေ ဆင်နွှဲရ
အမုန်းတွေ ပွါးကြရသည် ။
အဲဒါတွေထက် ဆိုးတာက. . .
သင်္ကြန်ပွဲတော်နှင့် အရက် ဘီယာတို့ ခွဲမရအောင် တွဲမိလာခြင်းဖြစ်သည် ။
ယခုဆိုလျှင် သင်္ကြန်ရောက်ပြီ ဆိုသည်နှင့် အမျိုးသားများသာမက အမျိုးသမီးတော်တော်များများကပါ အရက် ဘီယာတို့ သောက်သုံးပြီး မူးကြရူးကြပြီ ။
အပျော်လွန်ပြီး အပျက် ဖြစ်ကာ ရန်ပွဲများ. . .
မတော်တဆမှုများ. . .
မဖြစ်သင့်သော ကျူးလွန်မှုများ
များစွာ များစွာ ဖြစ်နေခဲ့ပြီ ။
အရက်ကြောင့် သွေးဆူနေသော ခပ်ကြမ်းကြမ်း ရေပက်သူများနှင့် အရက်ကြောင့် သွေးဆူနေသော ရေပက်ခံလာသူတို့ ထိပ်တိုက်တွေ့ ဆုံကြသော အခြေအနေမို့ မဖြစ်သင့်သော ဆိုးဝါးမှုများ ဖြစ်ပျက်သွားဖို့. . .အင်မတန် ထိလွယ်ရှလွယ်သော အချိန် ဖြစ်သည် ။
မြန်မာ မဆန်ရုံမက ဟော့ရမ်းးနေလေပြီ။
(ဟိုတစ်နှစ်ကဆိုလျှင် ဘယ်လို ဖက်ရှင်ပါလိမ့်ဟု မျက်မှောင်ကြုတ်မိသည်အထိ. .
အမျိုးသားများက မဏ္ဍပ်ပေါ်မှာ အကျီ င်္ မပါ ဗလာ။
အရက်မူးပြီး ယိုင်ထိုး လို့. . .
သူတို့ဘေးမှာလည်း မူးနေပုံရသော အမျိုးသမီးငယ်အချို့
အဲဒီ အမျိုးသားတွေရဲ့ ဘောင်းဘီ အစ (ခါးတဝိုက်နား)ကို ဆုပ်ကိုင်ထားလျက်သား. . .
လုပ်ပြနေသူတွေ ကရှက်ရကောင်းမှန်းမသိ ။
မဏ္ဍပ်အောက်မှ မော့ကြည့်မိသူတွေကသာ ရှက်ရသည် ။
အင်းလျားလမ်းထဲက မဏ္ဍပ်တွေ တော်တော် မလွယ်ပါ ။)
အပျော်ကို အကြောင်းပြုပြီး
ထင်ရာစိုင်းနေကြသလိုပင် ဖြစ်နေပြီ။
တစ်နှစ်လုံး မျိုသိပ်ထားခဲ့သော အရှက်သိက္ခာများ / အပျော်ကြူးလိုစိတ်များကို ဖောက်ထုတ်ပျော်မြူးခွင့် ရသည့် ပွဲကြီးလို ဖြစ်ချင်ရာဖြစ် လုပ်ချင်ရာတွေ ဇွတ်လုပ်နေကြသလို ဖြစ်နေပြီ ။
အဲဒါ . . . . သိပ်မကောင်းပါ ။
တစ်နှစ်လုံးမှာမှ . . .ဒီလေးငါးရက်ပဲ ပျော်ရတာ. . .
အားရပါးရ ပျော်လိုက်ဖို့ . . .
စိတ်လွတ်ကိုယ်လွတ် ပျော်လိုက်ဖို့ . . .
အဲဒီလောက်ပဲ တွေးပြီး အပျော်လွန်နေကြလျှင်. . .
သင်္ကြန်၏ အနှစ်သာရ ကင်းမဲ့သွားပါလိမ့်မည် ။
သင်္ကြန်၏ ရည်ရွယ်ချက် . . .
သင်္ကြန်၏ အဓိပ္ပာယ်များ ပျောက်ဆုံးသွားပါလိမ့်မည် ။
သင်္ကြန်သည်. . . ကူးပြောင်းခြင်းး ဖြစ်သည် ။
ကောင်းသော ကူးပြောင်းခြင်း ဖြစ်ဖို့တော့ လိုပါသည် ။
နှစ်ဟောင်းမှ နှစ်သစ်သို့ . . .ကူးပြောင်းရာတွင် . . .
နှစ်ဟောင်းမှ မကောင်းသော အရာများအားလုံးကို အတာရေချမ်းဖြင့် စင်လန်းအောင် ဆေးခဲ့ပြီး . . .
နှစ်သစ်ကို အပြစ်မဖြစ်ပဲ ကူးပြောင်းနိုင်ပါမှ. . .
ကောင်းသော ပြောင်းလဲခြင်း ဖြစ်ပါလိမ့်မည် ။
-------
အခုတလော. . . မြန်မာ့ရိုးရာ သင်္ကြန်ပွဲတော် ရေကစားနေ့ရက်များကို အားရပါးရ ထင်ရာစိုင်းပြီး ပျော်ထည့်လိုက်မယ် ဟု အားခဲနေသူတွေရှိသလို. . . .
အခုခေတ်သင်္ကြန်ပွဲဆိုတာ မူးကြရူးကြပြီး ဖြစ်ချင်တိုင်းဖြစ်နေကြတဲ့ ပွဲဆိုးကြီးမို့ ရှောင်တာပဲကောင်းတယ် ဟု တွေးပြီး သင်္ကြန်ကို လန့်လာသူတွေ ရှောင်ကြသူတွေလည်း များပြားလာခဲ့ပြီ ။
ဒါလည်း မကောင်းပါ ။
မြန်မာလူမျိုးတို့၏ ဓလေ့ရိုးရာ အစဉ်အလာမပြတ်ခဲ့သော ဤပွဲတော်ကြီးကိုမှ ကြောက်လန့်စိုးရိမ်စိတ်နဲ့ ရှောင်ကြရပြီ ဆိုကတည်းက သိပ်မကောင်းတော့ပါ ။
ဤပွဲတော်သည်. . . မြန်မာလူမျိုးအားလုံး စိတ်လက်ချမ်းသာစွာ စိုးရိမ်ကြောင့်ကြမှုကင်းကင်းဖြင့်. . . .
အတူတကွ ပျော်ရွှင်ကြည်နူးထိုက်သော ပွဲတော်ဖြစ်သည် ။
အခုတော့. . .သင်္ကြန်ပွဲတော်သည်. . .
သတိထားသွားလာရမည့် အန္တရာယ် ဖြစ်စေနိုင်သော ဘေးဒုက္ခ ဖြစ်သွားနိုင်ချေများသော အချိန်အခါတစ်ခုလို အဆိုးဘက်သို့ ပြောင်းလဲနေပြီဟု ဆိုချင်ပါသည်။
ပြောင်းလဲတာတော့ ပြောင်းလဲသည် ။
သို့သော် . . . .
ကောင်းသော ပြောင်းလဲခြင်း/တိုးတက်မွန်မြတ်သော ပြောင်းလဲခြင်းမှ ဟုတ်ပါလေစ. ..
အခုခေတ်. . . .
သင်္ကြန်ပွဲတော်ရက်တွေမှာ. . .
(အရင်ကလိုမဟုတ်) ပန်းပိတောက်ရနံ့ တို့ ပျောက်ဆုံးလာသလိုမျိုး. . . . .
အချိန်အခါမီ မပွင့်နိုင်တော့တဲ့ ပိတောက်နဲ့ . . .
ဒီနေ့ ခေတ် သင်္ကြန်ပွဲတော် . . .
တဖြည်းဖြည်း ကင်းကွာလာသလိုမျိုး. . . .
ယဉ်ကျေးသိမ်မွေ့ သော ရိုးရာအစဉ်အလာဓလေ့တွေနဲ့. . .. . . .
ဒီသင်္ကြန်. . .
တဖြည်းဖြည်း ကွဲလွဲလာခဲ့ပြီ ။
အနှုတ်လက္ခဏာ ပြသော ပြောင်းလဲခြင်းများကြားး. . .
မြန်မာ့ရိုးရာ သင်္ကြန်ပွဲတော်ရဲ့ အနှစ်သာရ / တန်ဖိုး / အဓိပ္ပာယ်တွေ ဝေဝါး. . .
ပျောက်ဆုံးနေလေပြီ။
အဲဒါ . . . . . .
ဂုဏ်ယူစရာတော့ မဟုတ်ပါ ။
( သိကြားမင်း )
************************
လေးစားစွာဖြင့် . . .
အလင်းဆက်(Gazette)
4 / 4 / 2014 / 15 : 30 / pm
Comments
Post a Comment