ဘူတာအိုထဲမှာ ရထားအိုကို စောင့်နေသူများ

ဘူတာအိုထဲမှာ ရထားအိုကို စောင့်နေသူများ 

--------------------------------------------------------------------------------

အဲဒီနှင်းဆီဟာ...
တစ်စချင်း တစ်ရွက်ချင်း ပြန်လည်တည်ဆောက်ပြီး
လန်းဆန်းတောက်ပပြတော့မှာလား။
ဒါမှမဟုတ်...
တစ်စချင်းတစ်ရွက်ချင်း ကြွေဆင်းနိမ့်ကျသွားပြီး
.ရော်ဝါညှိုးခြောက်သွားတော့မှာလား။
ဘယ်လိုမှ ဝေခွဲမရတဲ့ အဖြစ်မျိုးဆိုပါတော့...

အချိန်အတော်ကြာ ငတ်မွတ်တောင့်တနေရတဲ့ ရထားကြီးတစ်စင်း
.ဟောဒီဘူတာဆီ ဆိုက်ရောက်ဖို့ လာနေပြီဆိုလို့
လိုက်ချင်လွန်းသူတို့ရဲ့ အထုပ်အပိုးပြင်သံတွေ  ညံထွက်သွားတယ်။
ဒါပေမဲ့...
သိပ်မကြာခင်မှာပဲ ...
.စောင့်ဆိုင်းရခြင်းနဲ့ အသားကျခဲ့သူတွေပီပီ
အထုပ်အပိုးတွေပေါ်မှီတွယ်ရင်းပဲ  တရေးတမော ပြန်အိပ်ပျော်သွားကြလေရော...

ဘူတာအိုကတော့...
အရာအားလုံးကို သယ်ဆောင်သွားနိုင်စွမ်းမယ့် ရထားတစ်စင်းလောက် ဆိုက်လာဖို့ကို
.မျှော်လို့.... ငေး....လို့....
ရထားကြီးကလည်း...
.ထောင်ချောက်တွေ အပြိုင်းအရိုင်းဖူးပွင့်နေတဲ့ လမ်းအတုတွေထဲကနေ...
.ဘေးမသီရန်မခဘဲ ဘူတာဆီရောက်မယ့်လမ်းအစစ်ကို
ခက်ခဲစွာ ရွေးတုန်း....ခရီးကြီးရယ်မှ....နှင်နေတုန်း....

.ကောင်းကင်ဆီက ထိုးစိုက်ကျလာတဲ့ အပ်တစ်ဖျားနဲ့
.မြေပြင်ပေါ်မှာ စိုက်ထောင်ထားတဲ့ အပ်တစ်ဖျား....
ထိပ်တိုက်ဆုံဖို့  ခက်ခဲလွန်းသလိုမျိုး ဆိုပါတော့....

 

တစ်ခါတစ်ရံမှာ...
''အမှန်တရားကို လိုလားသူတွေ''နဲ့  ''အမှန်တရား''...
ခက်ခက်ခဲခဲ လွဲနေရတတ်တယ်...

အဲ့ဒီလိုပဲ...''တရားနဲ့''ဖြေပြီး...
''တရားမဲ့''သေသွားကြရတော့မလားရယ်လို့...
ကိုယ့်ကိုကိုယ် ပြန်မေးရမယ် ဆိုပါစို့။

----------------------------------------------------------------------------------

သင့်အေးရိပ်

.ဖေဖော်ဝါရီ-၁၈၊ ၂၀၁၆